Pedelissarput illiuit?
Illuutitsinnik inissiisarfitsinnillu ingerlatsinermut aserfallatsaaliuinermullu ikiuuttussamik tunniusimasumik sullissiumatuumillu pedelissarsiorpugut. Ullut suliffiit assigiinngiiaartut, akisussaaffimmik tigusinissamut najugaqartunullu suleqatinullu avatangiisinik ingerlalluartunik qulakkeerinninnissamut periarfissallit nuannaraagit? Taava immaqa suliffissaq ilinnut naleqquttoq aajuna!
Suut naatsorsuutigisinnaavigit? Pedelitut illuutitta silataanilu nunaminertat pitsaasumik aserfallatsaaliorneqarnissaat qulakkiissallugu qitiusumik inissisimassaatit. Suleqatitsinnut qanimut suleqataassaatit, najugaqarfiillu tamanut atoruminarlutillu ilorrisimaarnartuunissaat qulakkeeqataaffigissallugu.
Suliassat pingaarnerit:
- Illuutinik, teknikkikkut atortunik, kiassaateqarfinnik, errorsisarfimmik silataanilu nunaminertanik nakkutilliineq.
- Illut iluini silataanilu iluarsaassineq aserfallatsaaliuinerlu.
- Iluarsaassinernut annertunerusunut atatillugu assassorluni sulialinnik eqqiaasunillu inniminniineq nakkutilliinerlu.
- Ineqarnermut malittarisassat atuuttut naapertorlugit iserternermi aninermilu inissianik misissuisarneq.
- Inissiisarfinnik ineqatigiiffinnillu pequtsersuineq.
- Ineqarnermut immikkoortortaqarfiup kiassaateqarfimmi matuersaatinut skabiinik aqutsineq nutarterisarnerlu akisussaaffigissallugit.
- Ingerlatsinermut tunngasunik apeqqutinik akissuteqarneq naammagittaalliuutinillu isumaginninneq.
Kinaavit? Assassorluni sulinermik tunuliaqutaqarputit namminersorlutillu sulinermik nuannarisaqarlutit. Inussiarnersuuvutit, sullissiumatuuvutit eqaatsumillu suleriaaseqarlutit. Ullut tamaasa suliassanut kiisalu iluarsaassinernut aserfallatsaaliuinernullu tassanngaannaq takkuttartunut akisussaaffimmik tigusinissannut piareersimavutit.
Ilinnut piumasaqaatit:
- Assassorluni sulinermik ilinniagaqarsimaneq.
- Illuliornermut tunngasunik suliassanik aserfallatsaaliuinermillu misilittagaqarneq.
- Namminersorluni naammassisaqarluartumillu sulisinnaaneq.
- Eqaassuseq pitsaasumillu isiginnittaaseqarneq.
Neqeroorutigaavut:
- Suliffik pissanganartoq assigiinngiiaartunillu suliassalik, ulluinnarni allanngorartuni.
- Suliffimmi avatangiisit pitsaasut suleqatillu pikkorissut.
- Inuttut suliamullu tunngatillugu ineriartortarnissamut periarfissat.
Akisussaaffimmik tigusinissannut najugaqarfiitsinnilu suut tamarmik pitsaanerpaamik ingerlannissaannik qulakkeerinninnissamut piareersimavit? Taava ullumikkut qinnuteqaatit nassiuguk! Malugiuk e-mailikkut qinnuteqqaatinik tigusineq ajoratta.
Atorfik pillugu paasisaqarnerorusukkuit Housing and Buildings manager, Jens Buhrkal, oqarasuaammut +299 343206-imut sianerfigisinnaavat imaluunniit e-mailimut jbuhrkal@airgreenland.gl-imut allaffigalugu.
Tusarfiginissat qilanaaraarput!
Qinnuteqarnissamut killissarititaasoq: novembarip 15.-at, 2026