Kastrup-imi aallaavitsinnut timmisartumi saqisoq
Kastrup-imi aallaavitsinnut timmisartumi inuttanik aalajangersimasumik atorfeqartussanik, Airbus 330-tinni (Tuukkaq) aammalu 320-mi (Unaaq) sullitatsinnut pitsaalluinnartumik sullinneqarnermik misigititsinissamut piumassuseqartunik, aammalu suleqatigiinnut suleqataalluarusutunik pissarsiorpugut.
Timmisartumi inuttatut, aalajangersimasumik atorfeqartutut sulineq nuannerineqassappat, sullitaq qitiutillugu pitsaalluinnartumik sullissinissamut kajumittuusariaqarputit, tamatumalu peqatigisaanik timmisartumi isumannaallisaanermik isumagisaqassaatit, taamaalilluni ilaasut timmisartumut ilaanerminni toqqissisimallutillu ilorrisimaarniassammata. Tamatuma peqatigisaanik soorunami aallaavitsinni suleqatigiinnermi anersaamik kivitseqataanissamut kajumissuseqassaatit.
Kastrup-imi aallaavitsinni aalajangersimasumik atorfeqalertussamik tuaviornerpaamik isumaqatigiissuteqarnikkulluunniit aallartittussamik pissarsiorpugut.
Timmisartutsinnut tikilluaqqussagutsigit uku akuersaarlugit akisinnaassavatit:
• Oqartussaasunut piumasaqaatit tamaasa naammassisimavatit (CCM-imut ilinniarsimavutit, medical-imut aamma security-mut akuerineqarsimallutit)
Inuttut piginnaasaqarfiit uku ilinnut tulluussoraagit:
• Isikkorissuuvutit iluarinartumillu pissuseqarlutit
• Isumagissaartuuvutit, pigeriikkannillu isumassuisuuvutit, inussiarnersuuvutit inukkuminartuullutillu
• Eqaatsumik aaqqiisinnaavutit qiimasuullutillu
• Sapinngisamik pitsaanerpaamik sulisarputit saniatigullu suliaqarusussuseqarlutit
• Pitsaalluinnartumik sullissinissat iluarusuutigisarpat
• Akisussaaffinnik ilisimaarinnittuuvutit, naapertuisuuvutit pisussaaffinnillu naammassinnittarlutit
• Killissat isiginiarnagit periarfissat isiginiarusunnerusarpatit
• Ullut unnuallu ingerlaneri tamakkerlugit namminersorlutit sulisinnaavutit
• Kalaallisut oqalusinnaaguit iluaqutaassaaq - piumasaqaataanngilarli
Assigiinngisitaarneq
Akuutitsiniarluni sulisussarsiornissamut qulakkeernissamut immitsinnut pisussaaffilerpugut, aammalu tamanut qanorluunniit tunuliaqutalinnut qinnuteqarnissamut kaammattuilluta. Takunnissinnaanerit, misilittakkatigut tunuliaquttat kulturillu assigiinngisitaarnissaat pingaartipparput, aammalu sulisut pikkorissut, inuunerminni assiginngitsunik misilittagallit Kalaallit Nunaata kivinnissaanut anguniagaqarnitsinni pingaaruteqarnerat upperaarput.
Paasissutissanik amerlanerusunik pisariaqartitsiguit Cabin Crew Base Supervisor René Cannerslund e-mail: rcd@airgreenland.dk aqqutigalugu imaluunniit +45 25 15 36 52-imut attaveqarfigisinnaavat.
Qinnuteqarnissamut killissarititaasoq: novembarip 19.-at, 2026