Timmisartuussinermi ingerlatsineq, timmisartup performance-a kiisalu ingerlatsinermi aaqqiissutissat soqutigisarivigit? Aamma avatangiisini pissanganartuni ullullu assigiinngiiaartut suliffigissallugit kajumigaajuk?
Air Greenlandimi Flight Operations Engineering Officer-imik pissarsiorpugut, ulluinnarni timmisartuussinermut qanimut suleqataarusuttumik kiisalu isumannaatsumik, pitsaasumik sunniutilimmillu ingerlatsinissamut aaqqiissutissanik systeminillu ineriartortitseqataarusuttumik.
Flight Operations-imi immikkut ilisimasalinnik suleqateqassaatit, aammalu ulluinnarni ingerlatsineq, misissueqqissaarneq kiisalu ingerlaavartumik pitsanngorsaaneq pillugit suliassaqassallutit.
Suliassatit ilaatigut makkuussapput
- Aircraft Performance kiisalu Weight & Balance
- Aerodrome & Route Evaluation aamma route studies
- Pre-flight planning kiisalu aeronautical databases
- Flight Data Monitoring (FDM) aamma ingerlatsinermut tunngasunik misissueqqissaarneq
- Fuel Performance, atuinerup pitsanngorsarnissaa kiisalu avatangiisinut sunniutit
- EFB, FlySmart aamma Jeppesen FD Pro
- Timmisartunik nutaanik atuutilersitsinermi tapersersuineq kiisalu ingerlatsinermut aaqqiissutissanik ineriartortitsineq
- Suleqatit, soqutigisaqaqatigiit kiisalu avataaneersunik sullissisunik suleqateqarneq
Kinaavit?
Inummik ajornartorsiutinik pisariusunik aaqqiiniarnermik nuannarisaqartumik, paasissutissanik, malittarisassanik ingerlatsinermilu pisariaqartitanik ulluinnarni atorneqarsinnaasunik aaqqiissutissanngortitsisinnaasumik pissarsiorpugut.
Takorloorparput illit:
- timmisartuussinermi ingerlatsinermik, Flight Operations-imik imaluunniit tassunga assingusumik tunuliaqutaqartutit misilittagaqartilluunniit
- EASA-p malittarisassaanik ilisimasaqartutit, ajornanngippallu Flight Support-imut misilittagaqartutit
- aaqqissuussaasumik, misissueqqissaartumik aaqqiissutissarsiortumillu sulisartutit
- akisussaaffimmik tigusisinnaasutit suliassanillu nammineerlutit siuarsaasinnaasutit
- assigiinngitsunik suliaqartunik suleqateqarneq nuannarigit
- tuluttut allannermi oqalunnermilu pitsaasumik attaveqarsinnaasutit.
Weight & Balance, Aircraft Performance, EFB imaluunniit projektinik suliaqarnermi misilittagaqarneq iluaqutaassaaq.
Neqeroorutigaavut
Immikkut ilisimasalittut atorfik pissanganartoq, assigiinngitsorpassuarnillu suliaqarnissamut periarfissiisoq neqeroorutigaarput.
Ulluinnarni timmisartuussinermut sunniuteqarnissamut aammalu ingerlatsinerup ineriartortinneqarneranut peqataarnissamut periarfissaqassaatit.
Ingerlatsinermut teknikkikkullu ineriartortitsinermut qanimut suleqataassaatit, taamaalillutillu Air Greenlandip timmisartuussineranut tapersersuisunik pitsanngorsaasunillu aaqqiissutissanut sunniuteqarsinnaassallutit.
Atorfik inuttut ataasiakkaatut atugassaqartitaalluni neqeroorutigineqarpoq.
Tullianut alloriarnissamut piareersimavit?
Timmisartuussineq, ingerlatsinermi unammilligassat kiisalu teknikkikkut paasinninneq, misissueqqissaarneq aamma ulluinnarni atorneqarsinnaasunik aaqqiissutissarsiorneq kajumissaatigigukkit, taava tusarfigerusuppatsigit.
Qinnuteqarnissamut killissarititaasoq: novembarip 1.-at, 2026