Nuummi Ilulissanilu cargomik ingerlatsineq siuttuuffigerusuppiuk?
Greenland Handling Cargo Handling Managerimik pissarsiorpoq, nassiussanik allakkanillu isumannaatsumik, eqaattumik patajaatsumillu passussinissaq qulakkeertussamik. Tamatuma saniatigut sulisut, sullitat suliffeqarfiullu iluani suleqatit qanimut suleqatigalugit cargomik ingerlatsinerup ineriartortinnissaa akisussaaffigissavat.
Akisussaaffitit
Cargomik ingerlatsinerup ulluinnarni ingerlanneqarnera ineriartortinneqarneralu overallimik akisussaaffigissavatit. Suliassatit pingaarnerit ilaatigut tassaassapput:
- nassiussat allakkallu eqaartumik piffissarlu eqqorlugu passunneqarnissaat qulakkeerlugu
- sulisut aqullugit ineriartortillugillu, atugarissaarneq suleqatigiinnerlu ukkataralugit
- periutsit, piumasaqaatit isumannaallisaanermullu malittarisassat atuuttut malinneqarnissaat qulakkeerlugu
- cargomut ilitsersuutit nutartertuarlugit kiisalu pisariaqartumik ilinniartitsisoqarnissaa qulakkeerlugu
- sullitat, assartuinermik ingerlatsisut, oqartussat suliffeqarfiullu iluani immikkoortortat suleqatigalugit
- ingerlatsineq, angusat, missingersuutit isumannaallisaanerlu malinnaavigalugit.
Illit ujartorparput,
- timmisartukkut assartuinermi, logistikkimi, assartuinermi imaluunniit ingerlatsinermut tunngasuni allani misilittagaqaruit
- aaqqissuussamik sulisartuuguit ulapaarfiusumilu tamakkiisumik isiginnissinnaassuseqaruit
- aqutsineq, suleqatigiinneq akisussaaffeqarnerlu iluarigukkit
- ingerlatsinermut piumasaqaatinik, periutsinik isumannaallisaanermillu ilisimasaqaruit
- danskisut tuluttullu oqalussinnaaguit. Kalaallisut oqalussinnaaneq iluaqutaassaaq.
Neqeroorutigaarput
Nuummi Ilulissanilu cargomik ingerlatsinermut akisussaaffeqarlutit pingaarutilimmik aqutsisutut atorfeqassaatit. Greenland Handlingimi ulluinnarni ingerlatsinermut kiisalu cargomik ingerlatsinerup siunissami ineriartortinneqarneranut sunniuteqarnissamut periarfissaqarluassaatit.
Akissarsiat atorfinitsitaanermilu atugassarititaasut piginnaasat isumaqatigiissullu tunngavigalugit aalajangersarneqassapput.
Atorfik Director, Ground Handling-imut attaveqartuuvoq. Atorfininnissaq 1. december 2027 imaluunniit isumaqatigiissuteqarnikkut pissaaq.
Apeqqutissaqarpit?
Director, Ground Handling Kunuunnguaq Heilmann Overgaard attavigiuk: KHV@greenlandhandling.gl.
Qinnuteqarnissamut killissarititaasoq: novembarip 8.-at, 2026