Air Greenland Workshop Managerissarsiorpoq
Air Greenlandip teknikkikkut ingerlatsiviani pingaarutilimmi atorfimmik soqutiginartumik aqutsinissamut piareersimavit? Inunnik ineriartortitserusuppit, suleqatigiinneq nukittorsarusuppiuk aammalu ulluinnarni ingerlatsineq isumannaatsoq qulakkeerusuppiuk?
Nuummi Workshop Managerimik tunniusimasumik misilittagaqarluartumillu pissarsiorpugut. Workshopit kiisalu Stores & Receiving Control aqussavatit ineriartortillugillu. Suleqatigiissitat 22-it missaannik amerlassusillit akisussaaffigissavatit aammalu aqutsisoqatigiinni pikkorissuni peqataassallutit, tassani suleqatigiinneq, ineriartortitsineq aammalu isumannaatsumik ingerlatsineq pingaarnerpaatut inissisimallutik.
Illit ujartorparput, makkuninnga piginnaaneqartoq:
- Akisussaaffimmik tigusiumassuseqartoq aammalu ingerlatsiumassuseqartoq.
- Inunnik aqutsinissamut soqutigisalimmik aammalu suleqatit aqqutigalugit angusaqarusuttumik.
- Aaqqissuussaasumik sulisartumik aammalu sulianik amerlasuunik ataatsikkut nakkutiginnissinnaasumik.
- Ilinniarusussuseqartumik nutaanillu ilikkagaqarnissamut ammasumik eqqarsartaasilimmik.
- Suleqatinik soqutiginnittumik aammalu suliffeqarfiup iluani pitsaasunik attaveqaataalersinnaasumik.
- Teknikkikkut imaluunniit ingerlatsinermut tunngasumik tunuliaqutaqartumik. Timmisartuussinermut inuussutissarsiummik tunuliaqutaqarneq piumasaqaataanngilaq.
Suliassat pingaarnerit
- Ulluinnarni ingerlatsinerup aqunneqarnera pingaarnersiorneqarneralu.
- Immikkoortortami sulisunik tapersersuineq ineriartortitsinerlu.
- Pitsaassutsip, isumannaatsuunerup aammalu sulianik naammassinninnerup qaffasissumik inissisimaneranik qulakkeerinninneq.
- Suleqatigisat suliffeqarfiup iluani avataaniluittut suleqatiginissaat.
- Suleriutsinik ineriartortitsinermut aammalu ingerlaavartumik pitsanngorsaanermut peqataaneq.
Neqeroorutigaavut
- Aqutsisutut atorfik pissanganartoq, akisussaaffippassualik aammalu sunniuteqarluarnissamut periarfissagissaartoq.
- Suliassanut atatillugu ilinniartinneqarluarnissaq aammalu immikkut ilisimasanik ineriartortitsinissamut periarfissaq.
- Suleqatit pikkorissut aammalu suliffik suleqatigiinnermik ineriartornermillu ilisarnaateqartoq.
- Akissarsiat immikkut isumaqatigiissuteqarnikkut aalajangersarneqartut kiisalu sulisunut atugassarititaasut pitsaasut.
Paasissutissat allat
Atorfik pillugu paasissutissanik annertunerusunik pissarsiniaruit Maintenance Manager attavigisinnaavat telefonimut +299 56 24 47.
Qinnuteqarnissamut killigititaq: 31. oktober 2026.