Imatut sulillutit qulimiguullit aammattaaq special operations-imi ingerlatsisutut isumannaatsumik, sunniuteqarluartumik aamma sulilluarnermi siuttuuniarpit, tassa ingerlatsivimmi tassani timmisartuussineq inuiaqatigiinnut pingaaruteqartorujussuulluni?
Air Greenland misilittagaqartumik aamma iliuuseqarusuttartumik sulisussarsiorpoq imatut Rotor/Special Ops Operations Manager suliaqartussamik, qullersaasutut akisussaaffigineqassaaq qulimiguuliutitta- aammattaaq sammisami special operations ingerlatsinermik aqutsisutut. Atorfimmi akisussaassuseqarfigineqarpoq Director Flight Operations aamma tassunga ilaapput aqutsinermi- sulisoqarnermi- taamatuttaaq isumannaallisaanermi akisussaaffeqarneq.
Atorfik pillugu
Imatut Rotor/Special Ops Operations Manager suliaqarninni qulakkiissavat, ingerlatsinerup ingerlanneqarnissaa isumannaatsut aamma pitsaasumik oqartussasut piumasaqaataat atuuttut, suliffeqarfimmi nalinginnaasut aamma ingerlatsinermi periaatsit naapertorlugit.
Akisussaaffigisassatit pingaarnerit tassaapput:
- sammisami uani qulimiguullit- aammattaaq special operations-imi qullersaasutut ingerlatsinermut akisussaaffeqarneq
- tassani akisussaaffeqarnermi qulakkiissallugu ingerlatsineq isumannaatsoq aamma pitsaasoq
- sulisunik aqutsineq aamma ineriartortitsitsineq taamatuttaaq qulakkiissallugu pisariaqartitanik sulisoqarneq aamma sungiusartarneq
- pissutsinik sulisunut tunngasunik sulinngittarnernik malinnaaneq kiisalu politikinik aamma periutsinik eqqortitsineq
- qulakkiissallugu, tassa ingerlatsinermi inatsisinik atuuttunik aammattaaq isumannaallisaanermi- aamma pitsaassutsimut nalinginnaasunik attuumassuteqartunik eqqortitsinissaq
- suliassanik Director Flight Operations-imit suliakkiutigineqartunit isumaginninneq
- ingerlatsinermi aarlerinaateqarsinnaasunik, akuerineqarsinnaasutut qaffasissusermik qaangiisunik paasinninneq aamma nalunaaruteqartarneq
- ingerlatsinermut attuumassuteqartunut aamma sulisunut tunngasunik aalajangiinernik atorfimmi pisinnaatitaatinneqarnerup iluaniittunik aalajangiisarneq.
Illit ilisarnaatit
Uagut naatsorsuutigaarput illit tassaasutit:
- ATPL ilanngullugu IR atuuttumik peqartoq imaluunniit peqarsimasoq
- sivikinnerpaamik ukiuni tallimani nutaajunerusumik inunnik timmisartuussinermi /Illersornissaqarfimmi ingerlatsinermik misilittagaqartoq
- commandaritut misilittagaqartoq
- tulluartumik aqutsinermi aamma aqutsisutut- imaluunniit management-imik uppernarsarneqartumik misilittagaqartoq
- sukumiisumik ilisimasaqartoq EASA-maleruaqqusanik, ingammik makkunani air operations, flight crew licensing aamma airworthiness
- makkua safety management, isumannaallisaanermut atortunik aamma safety promotion sukumiisumik ilisimasaqartoq
- timmisartut atortuinik, performance aamma ingerlatsinermi periaatsinik paasisimasaqartoq
- tuluit aammattaaq danskit imaluunniit oqaasiinik atuisinnaasoq oqalunnermi aamma allannermi
- CRM, attaveqaqatigiinnermit, aalajangiissuseqarnermut aamma suleqatigiinnermut annertuumik piginnaasaqartoq
- aaqqissuussamik aamma periaaseqartumik suleriaasilik, pitsaassaaq suliniutinik aqutsinermi tunngaviusunik ilisimasaqarluarneq.
Timmisartut suussusiinik attuumassuteqartunut ilisimasaqarneq iluaqutaassaaq.
Uagut neqeroorutigaavut
Illit qitiusumi aqutsisutut susassaqassaatit annertuumik sunniuteqarfigissallugit isumannaallisaaneq, pitsaassuseq aamma Air Greenlandimi timmisartuussisarnerup ineriartornerani. Atorfimmi periarfissaqarpoq ulluinnarni ingerlatsinermik taamatuttaaq periusissatut aalajangiinerit qanimut suliaqarfiginissaat timmisartuussisarnermi pisariusumik sumiiffeqartumi aamma inuiaqatigiinnut pingaaruteqartumi.
Atorfinitsinneqarneq inuttut isumaqatigiissuteqarnikkut pissaaq imaluunniit Chief Pilot-imut atugassarititaasut naapertorlugit, tassani apeqqutaassaaq inaarutaasumik aaqqissuussineq. Tulluarsinnaavoq timmisartup suussusianut ingerlatsinermut killiffiup pissarsiarisimasap pigiinnarnissaa.
Qinnuteqaateqarneq
Qinnuteqaatit aamma illit CV-it Air Greenlandip sulisussarsiortarnermut atortua aqqutigalugu nassiuguk kingusinnerpaamik oktobarip ulluisa 26-anni 2026.
Atorfimmut tunngasunik apeqqutissaqaruit nangaassuteqarnak attaveqarfigisinnaavat Per Schmock, Director Flight Operations, mok@airgreenland.gl
Tusarfiginissaq qilanaaraarput.
Qinnuteqarnissamut killissarititaasoq: oktobarip 26.-at, 2026