Nunarsuarmi timmisartuutileqatigiit assigiinngiiaarnerpaami isumannaallisaanermut sammivissamik aaqqiinissamut peqataarusuppit?
Safety Manager-imik misilittagalimmik pissarsiorpugut, atortutsinnik tassaasumik Safety Management System ineriartortitsisussamik aamma suliffeqarfik tamakkerlugu isumannaallisaanermut tunngasunik pitsanngorsaasussamik.
Ukununnga Chief Operating Officer/Accountable Manager siunnersortitut qitiusumik susassaqassaatit aamma aqutsisut, ingerlatsinermi aamma teknikimik ingerlatsisut, oqartussaasut aamma suleqatigisartakkat avataaneersut qanimut suleqatigissavatit. Atorfimmi toqqaannartumik ukununnga Chief Operating Officer/Accountable Manager toqqaannartumik akisussaassuseqartoqassaaq.
Suliassatit pingaarnerit tassaapput:
- Immikkoortortaqarfimmi pitsaasumik aamma piginnaasalimmik safety-mik sammisaqartumik pilersitsinissaq aamma ineriartortitsinissaq.
- Atortup Safety Management System aamma ingerlatanik attuumassuteqartunik ineriartortitsineq, pitsanngorsaaneq aamma aserfallatsaaliuineq, tassani siunertaralugu Air Greenlandimi ataatsimoortumik isumannaallisaanermut suliaqarnermi accountable manager tapersersorniarlugu.
- Aarlerinaatilinnik aqutsineq ingerlatsineq tamakkerlugu aammattaaq NP-nik tapersersuineq siunnersuisarnikkut, aarlerinaatilinnik annikillisaanikkut ulluinnarni ingerlatsinermi aamma annertuunik allanngortitsinerni.
- Ammasumik nalunaaruteqartarnissaq siuarsarlugu tassani tunngavigineqassaaq Just Culture, pitsaasumik tusarliisarneq aammattaaq aaqqissuussaasumik ilikkagaqarnissaq.
- Suliffeqarfimmi namminermi paasiniaasarnerit ataqatigiissaarlugit aamma ingerlallugit, tassani qitiutillugu ilikkagaqarnissaq aamma pinaveersaartitsineq.
- Isumannaallisaanermut paasissutissanik nalilersueqqissaarneq aamma aarlerinaatillit pigaaruteqartut aamma pisinnaasut Accountable Manager-imut nalunaarutigisarlugit, kiisalu suliffeqarfimmi namminermi killilersuinernik imaluunniit iliuusissanik allanik isumannaallisaanermut attuumassuteqartunik inassuteqartarneq, takkua pisariaqartutut nalilerneqarpata.
- Safety Review Board aamma Safety Action Group tapersersorlugit isumannaallisaanermik nakkutiginninneq aamma SPI-t attuumassuteqartut aqqutigalugit, aammattaaq qiutinneqartussanut aamma tulleriiaarinissanut inassuteqaatinik suliaqarnikkut.
- Ingerlatsiviup Emergency Response Program-ianik ingerlatsineq, ataqatigiissaarineq aamma ineriartortitsineq.
- Ingerlatsiviup Flight Data Monitoring-program-ia nakkutigalugu aammattaaq programip atorluarneqarsinnaanera, uppernarsusia aamma pasissutissanik atuinera ineriartortillugu, tassuuna siunertaralugu isumannaallisaanerup qaffasissusiata qulakkeerneqarnissaa. Tamatumunnga ilutigitillugu paasissutissanik suliaqarnermi allanut ingerlatitseqqinnissaq aamma attuumassuteqannginnissaq.
Ilinnut tunngasut:
Naatsorsuutigaarput, tassa illit:
- Tunngaveqarluartumik makkuninnga Safety Management Systems, aarlerinaatilinnik aqutsinermik, allanngortitsinermik aqutsinermi aamma paasiniaanermik,
- Safety Manageritut aamma aqutsisutut uppernarsaatitalimmik misilittagaqartoq,
- Misissueqqissaarnermik aamma attaveqaqatigiinnermi piginnaasaqarluartoq,
- Nammineersinnaassuseqarluartoq tutsuiginartoq, sunniisinnaalluartoq aamma suliatigut tutsuiginartoq,
- Suliassanut aamma suleqatinut alapernaatsoq aamma inuttut suliatigut ataqqinnittoq,
- Tulluartumik ilinniagaqartoq imaluunniit assingusumik suliaqarnermik misilittagaqartoq,
- Tuluit oqaasiinik atuilluarsinnaasoq aamma danskisut imaluunniit kalaallisut piginnaasalik.
Misilittagaqarfigalugit pisariusut makkua AOC-organisation, EASA-mi inatsisinik ilisimasaqarluartoq, aammattaaq IOSA aamma BARS pillugit ilisimasaqarneq annertuumik iluaqutaassaaq.
Uagut neqeroorutigaavut
Pingaaruteqartutut inissisimaneq suliatigut atituumik aamma periarfissaavoq isumannaallisaanermik suliaqarnerput aamma isumannaallisaanerput sunniuteqarfigissallugit.
Akissarsiaqartitsisoqassaaq qinnuteqaateqartup piginnaasai aamma atorfimmi piumasaqaataasut tunngavigalugu inuttut isumaqatigiissuteqarnikkut. Tassunga ilaavoq ilaqutariinnut ukiumut ataasiarluni akiliunneqarluni sulinngiffeqarnermi angalaneq, soraarnerussutisiaqalernissamut aaqqissuussineq aammattaaq sillimmaserneqarneq orniginartoq, ilaatigut ilaapput sulisinnaassuseqarnermik annaasaqarneq, piffissaq tamakkerlugu atuuttumik ajutoornissamut sillimmasiineq aamma inuunermut sillimasiineq.
Qinnuteqaateqarneq
Qinnuteqaatit aamma illit CV-ni nassiuguk sulisussarsiornermi atortorput aqqutigalugu kingusinnerpaamik 25 iani oktober 2026.
Apeqqutissaqaruit, taava attaveqarfigisinnaavat COO/Accountable Manager Line Frederiksen telefon 52 24 80.
Qinnuteqarnissamut killissarititaasoq: oktobarip 25.-at, 2026