Pituffik Space Basemi Air greenlandnip sumiiffimmi sinniisuatut inissisimanissaq soqutigaajuk aammalu ulluinnarni ingerlatsinermi qitiusumik inissisimarusuppit, avatangiisini isumannaallisaaneq, suleqatigiinneq iliuuseqarsinnaanerlu pingaaruteqarluinnartumi atorfinittussarsiorpugut
Pituffik Space Basemut Station Managerissarsiorpugut pimoorussisumik ingerlatsinermillu nukittuumik, angallannerup isumannaatsumik pitsaasumillu ingerlanneqarnissaa qulakkeerniarlugu aammalu suleqatigisartakkatsinnut najukkamiittunut pitsaasumik suleqatigiinnissamik pingaatsitsisumik.
Air Greenlandimi sulisutut, oqartussaasut najukkamiittut, suliffeqarfiit, mittarfimmi suleqatit kiisalu stationit allat akornanni pingaarutilimmik atassutaassaatit. Atorfik pisariaqartitsivoq tamakkiisumik isiginnissinnaanermik, ulluinnarni ingerlatsinermi aalajangiisinnaanermik aammalu pilersaarutaasutut ingerlatsisoqanngikkaangat suliamut naleqquttumik iliuuseqarsinnaanermik.
Atorfik ingerlatsinermut qanittumik suleriusilimmut nuannarisaqartumoorpoq
Atorfik naleqquppoq akisussaaffeqarnermik, assigiinngiiaartunik suliassaqarnermik aammalu ulluinnarni ingerlatsinermi pissutsit sukkasuumik allanngorsinnaaneranni kajumissuseqartumut. Periutsinik suleriaatsinngortitsisinnaassaatit, suleqatigiinnermi pitsaasunik attaveqalersinnaallutit aammalu pisariaqartillugu eqqarsaatigeqqissaakkanik aalajangiisinnaassallutit.
Akisussaaffit
Station Manageritut stationimi suliassat atuuttunut maleruagassanullu naapertuunnerat akisussaaffigissavat.
Suliassat pingaarnerpaat ilaatigut tassaassapput:
- ingerlaarnerit nalinginnaasut kiisalu chartert tunngavigalugit angallannerup isumannaatsumik, patajaatsumik pitsaasumillu ingerlanissaa qulakkiissallugu
- ulluinnarni ingerlatsineq timmisartuussinissamut pilersaarutinut angallannermullu pilersaarutinut naapertuunnerpaamik ataqatigiissassallugu
- ingerlatsinermut tunngasunik aalajangiissalluni, ilanngullugit ingerlatsinermi akornutsit immikkut ittut
- GHM-mi, PSH-mi kiisalu maleruagassani atuuttuni allani periutsit malinneqarnissaat qulakkiissallugu
- angallannerup ingerlanneqarneranut aammalu stationimi suliassanut tunngatillugu saaffiginnissutit naammagittaalliuutillu suliarissallugit
- ilaasunut aammalu sullitatsinnut allanut qaffasissumik sullissinissaq qulakkiissallugu
- ingerlatsinermi akornutaasut aqutsiffigalugit ilaasut eqqugaasut akornusersorneqarnerat annikillisassallugu
- nunaannarmi sulinermi avatangiisinut isumannaallisaanermullu maleruagassat malinneqarnissaat qulakkiissallugu
- allaffissornikkut suliassat pisariaqartinneqartut isumagissallugit
- mittarfimmi ingerlatsinermut tunngasunik ataatsimiinnerni Air Greenland sinnerlugu peqataasassalluni
- oqartussaasut najukkamiittut, suliffeqarfiit suleqatillu allat pitsaasumik attaveqarfigalugit suleqatigiinnissaat ineriartortissallugit.
Suliniarnermi tulleriiaarneqarpoq: Safety, isumannaallisaaneq, aningaasaqarneq, sullissineq aammalu ingerlatsinerup patajaassusaa (regularity). Taamaattumik suliassat tamaasa aalajangiinerillu tamaasa safety aallaavigalugu ingerlanneqassapput.
Siammasissumik suleqateqarneq
Attaveqarfigisartakkatit amerlapput, ilaatigut Air Greenlandip ingerlatsinermut immikkoortortaqarfii, stationit allat aammalu teknikkimut immikkoortortaqarfik suleqatigisassavatit.
Avataaneersunik suleqatit ilaatigut tassaassapput Inussuk, USAF, MIT kiisalu stationip sullitai. Taamaattumik pingaaruteqarpoq tatiginnilersitsisinnaaneq aammalu Air Greenland pitsaasumik sinniisuuffigalugu assigiinngitsuni suleriaaseqarsinnaaneq.
Ilinnut naatsorsuutigaarput:
- angallannermut tunngasumik ilinniagaqarsimasutit aammalu timmisartorneq pillugu ilisimasaqartutit
- load control, navianartunik usineq, ramp handling, Airside Safety kiisalu ilaasunik sullissineq pillugu tunngaviusumik ilisimasaqartutit
- Air Greenlandip IT-systemiinik ilisimasallit
- tuluttut pitsaasumik piginnaaneqartutit
- allaffissornikkut inuussutissarsiornermullu tunngasunik piginnaaneqartutit
- sullissilluartuullutillu suleqatikkuminartuusutit
- ulapaarfiusuni eqqissisimasinnaallutillu tamakkiisumik isiginnissinnaasutit
- aaqqissuussaasumik sulisartutit aammalu atuuttunut maleruagassanut periutsinullu malinnittuusutit.
Pingaaruteqarluinnarpoq safety suliassani tamani ilanngunneqartarnissaa aammalu piffissamik eqqortumik ingerlatsineq sullitallu naammagisimaarinninnissaat eqqumaffigineqarnissaat.
Atorfik suleqat peqatigalugu paalakaattumik sulinissamik aaqqissuussaassaaq, qaammammut ataasiartumik missiliorlugu Københavnimiit attartukkamik timmisartuussinermut atatillugu paarlakaattarneq ingerlanneqassalluni. Sulisut inaannut inissaqartitsisoqassaaq attartornermik maleruagassat atuuttut naapertorlugit.
Pituffik Space Basemi stationip isumannaatsumik pitsaasumillu ingerlanneqarneranut akisussaaffimmik tiguserusuppit? Taava qinnuteqaatit tigunissaa qilanaaraarput.
Paasissutissanik annertunerusunik Station Manager Johnny Rasmussen-imut uunga attaveqarnikkut pissarsisinnaavutit: JRasmussen@airgreenland.dk. Malugiuk qinnuteqaatit e-mailikkut tiguneq ajoratsigit.
Qinnuteqarnissamut killissarititaasoq: septembarip 30.-at, 2026