Tulleriiaarillaqqittuuit, ataatsimoortumik isiginninnissamut pilersitsillaqqippit aamma inuit, suliassat aamma piffissamut killiussat ataatsimoortinnissaat kajumissuseqarfigaajuk? Taava imaasinnaavoq Air Greenlandip Nuummi immikkoortortaqarfiani Part-145-imi Maintenance Coordinatoritut atorfik ilinnut pilerinarpoq.
Atorfik oktobarip aallaqqaataani 2026-mi imaluunniit isumaqatigiissuteqarnikkut inuttulerneqarniarpoq.
Atorfik pillugu
Imatut Maintenance Coordinator – allatut oqaatigalugu pilersaarusiortoq – atorfeqarnini akisussaaffigissavatit Air Greenlandimi mekanikerit sulianerannit pilersaarusiorneq aamma ataqatigiissaarineq. Aserfallatsaaliuinissamut pilersaarusiat aamma timmisartornermi pisariaqartitat ingerlatissavatit sulinermi pilersaarutitut piviusorsiortunngorlugit aamma ingerlanneqarsinnaanngorlugit.
Illit suliassatit
Ulluinnarni suliassat ilaatigut tassaapput:
·Sapaatit akunneranni pineqartumik aserfallatsaaliuinermi suliassat pilersaarusiorlugit aamma naleqqussarlugit
·Piffissamut ungasinnerusumik pilersaarusiorneq Part-CAMO qanimut suleqatigalugu
·Suliassatut pilersaarusiorneqartut piviusumik suliarineqarnissaannik qulakkeerinninneq
·Timmisartuni mekanikerit oqimaaqatigiissumik qanoq suliassaqartiginerannut tapertaaneq.
Illit suliatigut piginnaasatit
Uagut takorloorparput tassani illit:
·Teknikimut tunngasumik, akademiskiusumik imaluunniit timmisartuni mekanikeritut tunngaveqartutit
·Pilersaarusiornermi aamma ataqatigiissaarinermit misilittagaqartuusutit
·Office-mi atortunik sungiussisimasutit aamma atortunik nutaanik ilikkagaqarnissat ajornartinnagu.
Illit inuttut piginnaassuseqarnerit
Illit inuttut ilisarnaatigivat, tassa illit:
·Aaqqissuulluakkamik sulisarneq aamma ataatsimoortumik isiginnissinnaaneq – aammattaaq tatisimaneqarnermi
·Pitsaassusermik, malinnaanermik aamma ilisimasanik ingerlatitseqqinnermik qitiutitsisoq
·Alapernaatsoq, uteriitsoq aamma tamanit suleqatiginnissinnaasoq.
Uagut neqeroorutigaavut
Neqeroorutigaarput atorfik pissanganartoq aserfallatsaaliuinermi sulinermut qanittumik inissisimasoq, illit tassani peqataassaatit suliatigut pitsaasumik avatangiisinut suleqatit pitsaasut suleqatigalugit aamma inuttut ineriartornissamik periarfissaqassallutit.
Atorfeqartitaanermi atugassarititaasut
Akissarsiaqartitsineq tassaavoq atorfimmi piumasaqaatinut naleqquttoq aamma atugassarititaasut inummut tunngasut. Tamatuma saniatigut neqeroorutaapput sulinngiffeqarnermi akiliunneqarluni angalasarneq, soraarnerussutisiaqalernissamut aaqqissuussineq aamma sillimmaserneqarnerit orniginartut.
Attaveqarfissaq
Paasissutissanik sukumiinerusunik pissarsiaqarsinnaavutit Production Manager Michael Poulsen attaveqarfigalugu oqarasuaatikkut +299 34 34 23 imaluunniit mail aqqutigalugu: MPoulsen@airgreenland.gl.