Air Greenland pikkorissumik assigiinngitsunillu suliaqarsinnaasumik aammalu ineriartortitseqataasinnaasumik pitsanngorsaasinnaasumillu IT-mik siunnersortissarsiorpoq.
Air Greenlandimi immikkoortortaqarfik Nuuk-mi qullersaqarfitsinni inissisimasumi IT-mik siunnersortitut inuit 10-t suleqatigilissavatit.
Suliassat pingaarnerit
- iPadinik angallattakkanillu allanik ikkussuineq tapersersuinerlu
- IT-mi isumannaallisaanermi aaqqiissutit assigiinngitsut nalilersorneri, ikkussorneri, pitsanngorsarneri ingerlatsinerilu
- Microsoft 365-mi aaqqiissutit pitsanngorsarneri, tapersersuineri ingerlatsinerilu
- Microsoft Azure-mi aaqqiissutit pitsanngorsarneri, tapersersuineri ingerlatsinerilu
- Isumannaallisaanermi pisartunik nakkutiginninneq malittarinninnerlu
Tamatuma saniatigut ilinniartitaareernerup kingorna IT-mi pigaartuusarnermut peqataasarnissaq naatsorsuutigineqarpoq. Taamatuttaaq IT-mik tunngassuteqartuni suliniutini peqataasoqarsinnaavoq imaluunniit suliniutinik aqutsisuusoqarsinnaalluni.
Piginnaasat
Uku naatsorsuutigineqarput:
- IT-mut tunngasunik naleqquttumik ilinniagaqarsimanerit
- Assingusumik atorfeqarsimanermit misilittagaqarneq iluaqutaassaaq
- IT-mi isumannaallisaanermik ilisimasaqarluarneq
- Microsoft Windows aamma Microsoft 365-mik misilittagaqarneq
- Microsoft Azure-mik misilittagaqarneq
- Workspace ONE UEM imaluunniit Mobile Device Management-imut atortunik assingusunik misilittagaqarneq iluaqutaassaaq
Inuttut namminersorsinnaassaatit, aaqqissuussamik sulisinnaassallutit aammalu siumut eqqarsarsinnaallutit. Ulapaarfimmi ataatsimut isiginnissinnaassaatit suliallu pingaarnersiorlugit. Pissutissaqartumik utaqqisinnaassaatit, nuannaartuussallutit ammasumillu akulerusimasinnaassallutit, kiisalu atuisunik pitsaasumik attaveqarsinnaassallutit. Akisussaassuseqartuuvutit, tunniusimasuullutit aammalu suleqatigiilluarnissap pingaaruteqassusaa paasilluarsinnaassavat.
Neqeroorutigaavut
Suliffik assigiinngisitaartoq pissanganartorlu suliffeqarfimmi ineriartortumi, ilinniagaqarnikkut inuttullu ineriartornissamut pitsaasunik periarfissaqartitsisoq.
Akissarsiaqarneq piginnaasatit atorfiullu piumasaqaatai naapertorlugit immikkut isumaqatigiissuteqarnikkut ingerlanneqassaaq. Tamatuma saniatigut ilaqutariinnut ukiumoortumik sulinngiffeqarnermi angalanissamut periarfissaq kiisalu sillimmasiineq pitsaasoq neqeroorutaapput.
Paasissutissanik annertunerusunik pissarsiniaruit IT-mi pisortaq Karsten Munk attavigisinnaavat oqarasuaat 343150 imaluunniit e-mailikkut kmunk@airgreenland.gl aqqutigalugu. Qinnuteqaatinik e-mailikkut nassiussanik tigusineq ajorpugut.
Qinnuteqarfissat allagaatit pisariaqartut ilanngullugit nittartakkakkut nassiutissavat ulloq 6. september 2026 nallertinnagu. Piukkunnartunik oqaloqateqarnerit ingerlaavartumik ingerlanneqassapput, qinnuteqarfissap killissaa tikinngikkaluarpalluunniit.
Qinnuteqarnissamut killissarititaasoq: septembarip 6.-at, 2026