Aningaasaqarnermut immikkoortortaqarfik Air Greenland-imi ineriartortitseqataanissat nukittorsaaqataanissallu soqutigaajuk?
Air Greenland suliffeqarfiuvoq ineriartortoq, nutaanik ingerlatsiveqalersoq aammalu suleqatigiissitanik assigiinngitsutigut ineriartortitsisoq. Taamaattumik Aningaasaqarnermut Ineriartortitsinermut Suleriaatsinillu Siunnersortimik misissueqqissaarsinnaasumik aaqqiissuteqarnissamillu siunnerfeqartumik pissarsiorpugut, aningaasaqarnermut immikkoortortaqarfitsinnik ineriartortitseqataallunilu pitsanngorsaaqataasussamik kiisalu ineriartortitsinermut atuutilersitsinermullu suliniutini pingaarutilinni siuariartortitsinissamik qulakkeerinneqataasussamik.
Koncernøkonomi-mut ilanngutissaatit, aningaasaqarneq, ingerlatsineq qarasaasialerinerlu akornanni ataqatigiissumik suleqatigiissitsilluni suleriaatsinik sunniuteqarluartunik pilersitsinermi, aaqqiissutissanik nutaanik atuutilersitsinermi aammalu ineriartortitsinermi suliniutinut pingaarutilinnut peqataassallutit.
Suliassat pingaarnerit - Makku ilaatigut akisussaaffigissavatit:
- Aningaasaqarnermut immikkoortortaqarfimmi ineriartortitsinermut, nutarterinermut atuutilersitsinermullu suliniutinut peqataaneq ataqatigiissaarinerlu
- Suleriaatsinik misissueqqissaarneq aammalu pitsanngorsaanissamut digitaliserinissamullu periarfissanik misissuineq
- Suleqatigiissitanik ineriartortitsinermi suliniutini siuariartortitsinermik malinnaaneq qulakkeerinerlu
- Suleriaatsinik periaatsinillu nutaanik atuutilersitsinermut atortuulersitsinermullu peqataaneq
- Dynamics 365, Finance & Operations kiisalu aningaasaqarnermut IT-systemit allat ineriartortinneqarnerannut tapersersuineq
- Suleriaatsinik allattorneq, misiliinermut pilersaarusiorneq kiisalu uppernarsaasiorneq
- Controllingimut, misissueqqissaarnermut nalunaarusiornermullu tapersersuineq
- Suleqatit, ingerlatseqatigiiffiit ataaniittut kiisalu avataani suleqatit peqatigalugit aaqqiissutissanik pitsaasunik ineriartortitsineq
Naatsorsuutigaarput:
- Aningaasaqarneq, finans, revision imaluunniit business administration-imut attuumassutilimmik ilinniagaqartutit
- Aningaasaqarnermut suleriaatsinik, controllingimik imaluunniit suliffeqarfiup ineriartortinneqarneranik misilittagaqartutit
- Naatsorsuuserineq, bogføring aningaasaqarnikkullu ataqatigiinnerit pillugit pitsaasumik paasisimasaqartutit
- Data, IT-systemit kiisalu digitalikkut aaqqiissutissat soqutigigitit
- ERP-systeminik – assersuutigalugu Dynamics 365 – misilittagaqartuuguit iluaqutaassaaq
- Aningaasaqarneq, ingerlatsineq IT-lu akornanni suleqatigiinnermi nuannarisaqartuuguit
- Qallunaatut tuluttullu allattariarsornermi oqalunnermilu piginnaasaqartutit
Inuttut piginnaasatit
- Misissueqqissaarillaqqissuuvutit sukumiisumillu suleriuseqarlutit
- Aaqqissuussamik suleriaaseqarputit aalajaatsuullutillu
- Namminersorlutit sulisinnaavutit aammalu aaqqiissutissanik ujartuillaqqissuullutit
- Pisariusunik suliaqarnermi ataatsimut isiginnissinnaavutit
- Anguniagaqarfiusumik sulisarputit siuariartortitsisinnaallutillu
- Suleqatinut pitsaasuuvutit attaveqaqatigiinnermillu piginnaaneqarluarlutit
- Allannguutinut aammalu suleqatigisartakkanut assigiinngitsunut naleqqussarsinnaavutit
Neqeroorutigaavut
Suliffik unammillernartoq, immikkoortortaqarfimmi pissanganartumi suliffeqarfimmilu ineriartortuartumi, inuttut suliamullu tunngatillugu ineriartornissamut pitsaasunik periarfissaqartitsisoq.
Akissarsiat isumaqatigiissutit atuuttut naapertorlugit atorfinittussap piginnaasai tunngavigalugit aalajangersarneqassapput. Tamatuma saniatigut ilaqutariinnut ukiumoortumik sulinngiffeqarnermi angalanissamut periarfissaq kiisalu sillimmasiissutit pitsaasut neqeroorutigineqarput, taakkununnga ilaallutik ulloq unnuarlu ajutoorsinnaanermut sillimmasiissut, gruppelivsforsikring kiisalu napparsimmavimmi katsorsarneqarnermut sillimmasiissut.
Assigiinngisitaarneq
Sulisussarsiornermi akuutitsinissamik qulakkeerinissamut, aammalu kikkulluunniit tunuliaqutaat apeqqutaatinnagit qinnuteqarnissamut kaammattornissaannut immitsinnut pisussaatippugut.
Isummat, misilittakkatigut tunuliaquttat kulturillu assigiinngisitaaneri iluarisimaarparput, aammalu Kalaallit Nunaata siuarsarneqarnerani anguniakkatta angunissaannut sulisut pikkorissut, inuunerminni assigiinngitsunik misilittagallit pingaaruteqarnerat upperaarput.
Qinnuteqaat
Qinnuteqaatit CV-llu atorfinitsitsinermut systemitsigut nassiuguk.
Atorfik pillugu apeqqutissaqaruit, Chief Accountant, Louise Langholz, attavigisinnaavat e-mailikkut: llz@airgreenland.gl imaluunniit oqarasuaatikkut: +299 343434.
Qinnuteqarnissamut killissarititaasoq: aggustip 17.-at, 2026