Inuuit, suleriaatsinik aalajangersimasunik, paasissutissanik isertuussanik akisussaaffeqarnermillu nuannarisalik?
Air Greenlandimi Security Assistentimik, sulinermi torersaarnissamut, isumannaatsitsinissamut pitsaassuseqartitsinermullu kaammattuisinnaasumik pissarsiorpugut. Atorfik silaannakkut angallannermi isumannaallisaanermik oqartussaasullu piumasaqaataannik sulinitsinni qitiusumik inissisimavoq, taamaattumillu sulisumik peqqissaarluni suliassallu naammassilluinnarlugit sulisinnaasumik, patajaatsumik, unneqqarissumik akisussaaffimminillu ilisimaarinnittumik pissarsiorpugut.
Atorfik pillugu
Security Assistentitut Air Greenlandip Security-mut immikkoortortaqarfiani pingaarutilittut inissisimassaatit. Allaffissornermi isumannaallisaanermilu sulianut, isertuussinermik, eqquisinnaanermik ilusilimmillu sulisinnaanermik annertuumik piumasaqarfiusunut akisussaasuussaatit.
Ilaatigut sulisut tunuliaqutaannik misissuinerit, isumannaallisaanermi akuersissutinik aqutsinerit, inatsisit malillugit security awareness-inik suliaqarnernik ataqatigiissaarinerit, kiisalu sullississutitsinni isumannaallisaanermut paasissutissanik malinnaatitsinerit suliarissavatit.
Sinaakkutissat aalajangersimasut, suleriaatsit ersarissut sukkasuumillu aaqqiissutissat atornagit ulluinnaat pitsaassutsimik isumannaassutsimillu pingaarnerutitsiffiusut nuannarigukkit atorfik ilinnut naleqquppoq.
Suliassatit pingaarnerit
- Sulisut nutaat pioreersullu tunuliaqutaannik annertusisamik misissuinernik ingerlatsineq aqutsinerlu
- Security awareness-mut sungiusarnernut inatsisillu malillugit isumannaassusissanut piumasaqaatinut malinnaaneq
- P-secure-systemimi paasissutissanik malinnaatitsineq pitsaassutsinillu qulakkeerisarneq
- Suliani isumannaallisaanermut attuumassutilinni eqqortunik uppernarsaasiortarnermik sumiissusersisinnaanermillu qulakkeerisarneq
- Maleruagassat atuuttut naapertorlugit inuit pillugit paasissutissanik isertuussanik suliaqartarneq
- Isumannaallisaanermi akuersissutit pillugit ataqatigiissaarisarneq saaffiginnissutinullu akissuteqartarneq
- GAIR ID-kortinik inniminniisarneq aqutsinerlu
Naatsorsuutigaarput
- Patajaannerit, akisussaaffinnik ilisimaarinninnerit tatiginarnerillu pillugit ilisimaneqarnissat
- Tulleriiaaralutit sulisinnaanissat, aammalu maleruagassanut, suleriaatsinut isertuussinissamullu ataqqinnilluarnissat
- Suliat assigiiaat, pitsaassutsimik eqquisinnaanermillu pingaartitsiffiusut suliarinissaannik nuannarisaqassasutit
- Torersaarnissaq, uppernarsaasinnaanissaq malinnissinnaanissarlu piginnaaneqarfigeriissagitit
- Suliannik ilisimaarinnissinnaasutit aaqqissuussamillu sulisinnaassasutit – aamma mikisualuit amerligaluarpataluunniit
- Allaffissorneq, oqartussaasut piumasaqaataat, compliance, HR imaluunniit allaffissornermi suliassat assingusut misilittagaqarfigissagitit
- Kalaallisut danskisullu oqaatsit piginnaaneqarfigissagitit, aammalu tuluttut paasinnissinnaassasutit
Iluaqutaassaaq
- Isumannaallisaanermik aqutsineq tunuliaqutanilluunniit misissuineq misilittagaqarfigigukkit
- Inuit pillugit paasissutissanik mianerisassanik suliaqartarsimaguit
- Pitsaassutsimik qulakkeerisarnermik, uppernarsaatinik aqutsinermik imaluunniit compliance-mut suliassanik misilittagaqarfigigukkit
Neqeroorutigaavut
Suliffeqarfimmi uummaarissumi immikkoortortaqarfimmi pissanganartumi atorfik unammillernartoq, inuttut suliatigullu ineriartornissamut periarfissaqarluartoq.
Akissarsiaqartitsinermi atorfimmi inunnut ataasiakkaanut piumasaqaatit tunngavigineqassapput. Tassunga ilanngullugu ilaqutariit ukiumoortumik sulinngiffeqarnermi angalanerannut akiliussisarneq, kiisalu sillimmasiissutit ataatsimoortut pilerinartut, ilaatigut ukioq kaajallallugu ajutoorsinnaanermut, ataatsimut inuunermut, kiisalu napparsimmavissuarmiinnermut sillimmasiissutinik ilaqartinneqartut neqeroorutigineqarput.
Assigiinngisitaarneq
Sulisussarsiornermi akuutitsinissamik qulakkeerinissamut, aammalu kikkulluunniit tunuliaqutaat apeqqutaatinnagit qinnuteqarnissamut kaammattornissaannut immitsinnut pisussaatippugut.
Isummat, misilittakkatigut tunuliaquttat kulturillu assigiinngisitaaneri iluarisimaarparput, aammalu Kalaallit Nunaata siuarsarneqarnerani anguniakkatta angunissaannut sulisut pikkorissut, inuunerminni assigiinngitsunik misilittagallit pingaaruteqarnerat upperaarput.
Qinnuteqaat
Qinnuteqaatit CV-llu sulisussasiornermi sullississutigut aqqutigalugit nassiuguk. Atorfik pillugu apeqqutissaqaruit Security Manager, Rita Skifte mail: rit@airgreenland.gl aqqutigalugu attaveqarfigisinnaavat.
Qinnuteqarnissamut killissarititaasoq: juulip 27.-at, 2026