Qaqortup mittarfiani stationitsinni check-in-imut ikiortissanik piareersimasunik ujartuivugut.
Inussiarnersuuit aammalu angalasussat angalanerminnik aallartitsilluarnissaannut suleqataarusuppit? Suliffeqarfik ulappiffiusoq suliffigissallugu kajungeraajuk, aammalu suleqatigiinni, ikioqatigiillutik aaqqiissutissanik ujartuisuni suleqataalerusuppit? Suliffeqarfimmi allaanerulaartumi, ullaakkut suliartornissaq nikerartoq soqutigaajuk?
Taamaappat 1. juuni-miit septemberi naanerata tungaanut angallannermi sulilernissamut periarfissaqarputit.
Immikkoortortaqarfik pillugu:
Immikkoortortaqarfik mittarfittaamiippoq. Suleqatigiit tamarmiusut paarlakaallutik sulisarput, taamaattumillu ullut suliffissatut pilersaarusiukkat malilugit ingerlanneqartarlutik. Suleqatigiit tamarmiullutik ulluinnarni Stationimi aqutsisoraat qaninnerpaatut aqutsisoraat.
Amerlanerit ilisimariigaattut timmisartukkut angalasut aasaanerani aammalu immikkut ittunik pisoqartillugu amerlanerpaasarput, taamaattumillu piffissani taakkunani sullivinni ulapaangaatsiartarnissat naatsorsuutigissavat.
Atorfik pillugu:
Atorfik nikerartuuvoq, piffissarlu tamakkerlugu atorfiulluni, suleqatillu akoenani paalakaattuulluni, taamatullu sapaatit akunnerisa naanerini nalliuttunilu suliffiulluni. Immikkoortortaqarfimmi tamarmi sulisut suliffissatut pilersaarusiat malillugit sulisarput, taamaattumillu qasuersaarfissanik atuinissamut pisinnaatitaaffitit aamma pilersaarusiornermi isumagineqassallutik.
Piginnaaneqarfitit:
- Qarasaasiatigut atukkagut ilisimasaqareerfigigaanni iluaqutaasaaq, tamannali piumasaqaataanngilaq, qinnuteqartup naleqquttup ilinniartinneqarnissaa periarfissaammat
- Sulisinnaassaatit aalajangiisinnaassuseqassallutillu – aamma ulapingaatsiarfiup nalaani
- Allanngujaatsoq kiffartuussilluarsinnaassaasorlu
- Kalaallisut, danskisut tuluttullu oqalussinnaassaatit
Suliassatit:
- Angalasut nassatanik sullissineq tunniussisunillu tigooraaneq
- Angallatsitsineq
- Sullitanut paasissutissanik ingerlatitseqqiineq kiffartuussinerlu
- Allaffissorluni suliassat oqinnerusut
- Atorfimmut qinnuteqarnissamut neqeroorfigineqarnissamullu trafikassistentitut ilinniarsimanissaq piumasaqaataanngilaq, iluaqutaassaarli. Atorfik soqutiginartikkukku piginnaaneqarfigigukkulu piukkussanut ilaasinnaavutit.
Neqeroorutigaavut:
HK Service Hovedstaden-imut isumaqatigiissut malillugu aammalu piginnaaneqarfiit misilittakkat naapertorlugit akissarsiaqartitsinissaq atorfininnermilu isumaqatigiissuteqarnissaq neqeroorutigaarput.
Atorfimmik inuttassarsiuinerup soqutiginnilersissimappatit, kisiannili paasissutissanik amerlanerulaartunik amigaateqaruit ulluinnarni Stationimi aqutsisoq Suulut E. Krogh tlf. +299 385074-imut sianerfigisinnaavat.
Qinnuteqarnissamut killissarititaasoq: maajip 31.-at, 2026