Air Greenland CargoSpot-imi Systemadministratorimik pissarsiorpoq
Air Greenland suleqatissamik tunniusimasumik sullississutinillu ilisimasaqarluartumik, CargoSpot-imi Systemadministratoritut atorfimmi nutaami sulilersussamik pissarsiorpoq.
Atorfik cargo-nik sullissinitsinni qitiuvoq, aammalu sullississutitta suleriaatsittalu nutarterneqartarnissaannik, naammassinniffiunissaannik aammalu Air Greenlandip mittarfinni suliffeqarfiinut suleqatinullu atoruminartuunissaannik qulakkeeriffiusussaaluni.
Atorfik pillugu:
Systemadministratoritut CargoSpot-imi sullississutit nutarterneqartarnissaannut aammalu malitassat ilitsersuutillu ineriartortinnissaannut nutarterneqartarnissaannullu akisussaasuussaatit.
Mittarfinnut ingerlatitseqqittarnermi ilinniartitsisarnernilu, kiisalu GAIR-ip mittarfeqarfiinut siunnersuisarnermi ikiuisarnermilu attaveqarfittut pingaarnersaassaatit.
HPT-mi suleqatigiit, ilinnut tapersersuisinnaasut qanittumik suleqatigissavatit, kisiannili pingaarnertut sullissinermi suliassat nammineerlutit ingerlatissavatit.
Suliassatit pingaarnerit tassaassapput:
• Suliassat nutaat pitsannguinerillu atuutilertarneri ilutigalugit CargoSpot-imi sullississutinik nutarterisarneq ingerlaavartoq
• Malitassanik ilitsersuutinillu suliaqartarneq, nutarterisarneq ingerlatitseqqittarnerlu
• Air Greenlandip mittarfinni suliffeqarfiini aamma GAIR-ip mittarfeqarfiini sullississummik atuinissamut ilinniartitsisarneq ikiuisarnerlu
• Sullississutip suliffeqarfiup iluanut avammullu atuuffii pillugit pitsaasumik ingerlatitseqqinnissamut paasinnitsitsinissamullu qulakkeerisarneq
• Sullivinni suleriaatsinik pitsanngorsaanermi suliassanillu nutaanik atulersitsisarnermi ikiuunneq
Naatsorsuutigaarput:
• Sullississutit paasisimaarissagitit aamma IT-kkut sullississutit misilittagaqarfigissagitit – nassiussalerinermik silaannakkulluunniit assartuussinermik misilittagaqarneq iluaqutaassaaq
• Nammineerlutit, aaqqissuussamik namminersorlutillu sulisinnaassasutit
• Kalaallisut, danskisut tuluttullu oqaatsit atorlugit teknikki pillugu ilisimasanik ersarissumik paasinartumillu ingerlatitseqqinnissaq pikkoriffigissagit
• Suleqatikkuminartuussasutit, aammalu sullissinermi suleqatinut, HPT-mi suleqatigiinnut aamma Cargo sale-mut ataqatigiissaarisinnaassasutit.
Neqeroorutigaavut:
• Atorfik nutaamik pilersinneqartoq, annertuumik namminersorfiusoq akisussaaffeqarfiusorlu
• Suleriaatsinut ilitsersuutinullu sunniisinnaanissamut periarfissaqarfiusoq
• Sullivimmi avatangiisit pimoorussiffiusut allanngorartullu, ineriartortitsinermik suleqatigiinnermillu pingaartitsiffiusut
Qinnuteqaat:
Oqaloqatigiinnissamut ingerlaavartumik aggersaasarpugut, taamaattumik qinnuteqaatit piaartumik nassiuguk.
Pinerlussimannginnermut uppernarsaammik takutitsisinnaassaatit
Ukiuni tallimani kingullerni misilittakkanut CV-mik takutitsisinnaassaatit
Qinnuteqarnissamut killissarititaasoq: apriilip 28.-at, 2026