Nuummi nassiussalerisussamik pissarsiorpugut, 01. maj 2026 imaluunniit siusinnerusukkut isumaqatigiinnikkut sulilersinnaasumik.
Nuummiittoq Cargo Manager qullersarissavat, immikkoortortaqarfimmi sulisoqarnermi aalajangiisartuusoq, aammalu sulisut sulinissamut skemaliuunneqartarnerinut akisussaasuusoq.
Allakkat poortukkallu timmisartukkut nassiussat ingerlatitseqatigiiffimmi maleruagassat atuuttut malillugit ingerlanneqarnissaat isumannaassavat, aammalu nassiussat isumannaatsumik poortorneqarnissaat, nassiussallu nukingiuttarialinnik angallavinnik angallavinnut pilersaarusiortarnissat qulakkeertassavat.
Suliassatit pingaarnerit tassaassapput:
- Sullitanik kiffartuussinerit (nassiussinermut allagartat, nassiussanik tikittunik innersuussisarnerit tunniussisarnerillu)
- Allakkanik tikittunik immikkoortiterisarnerit tunniussisarnerillu
- Nassiussanik aallartussanik piareersaanerit tikittunillu immikkoortiterisarnerit
- Cargospot – immersuussilluni naqiterisarnerit
- Mittarfinni allani sulisunut Paracraft pillugu ikiuuttarnerit
- DGR-ikkut misissuisarnermi allattuiffik
Kiisalu atorfimmut nassuiaat naapertorlugu akisussaaffeqarfiit suliassallu pingaannginnerusut allat
Ukununnga piginnaaneqarfeqassasutit eqqarsaatigaarput:
- IT-mik atuisinnaanermik ilisimasaqarputit
- Kalaallisut danskisullu oqalussinnaavutit aammalu tuluttut oqaatsinut piginnaaneqarluarlutit
- Silaannakkut angallassinermi misilittagaqarputit, aammalu nassiussalerinermi suliassanik ilisimasaqarputit, ajornanngippat tamanna nassiussalerinermik inuussutissarsiuteqarfimmiit pisinnaavoq
- Timikkut pisinnaasaqarluarputit
- Ilulissani najugaqaruit iluaqutaassaaq - piumasaqaataanngilarli
Namminersorsinnaanissat, inerisimasuunissat, tunniusimasuunissat kiffartuusserusussuseqarnissallu pingaartipparput. Kiisalu suleqateqarnissamut kajumissuseqarnissat, aammalu piffissani ulapaarfiusuni eqqissisimasinnaaneq paasisimaarinninnerlu piginnaaneqarfigissagitit pingaartipparput.
Neqeroorutigaavut:
HK Service Hovedstaden-ip aamma Air Greenland AS-ip akornanni isumaqatigiissut atuuttoq naapertorlugu akissarsiat atorfeqarnermilu atugassarititaasut. Taakkununnga ilanngullugu ukiumoortumik sulinngiffeqarnermut atatillugu angalanermut akiliunneqartarnissaq, ataatsimut inuunermut sillimmasiissutit aamma piffissaq tamakkerlugu ajutoorsinnaanermut sillimmasiissut.
Periarfissaavoq qanimut naapilluta apersoriartorsinnaagassi Sermermiuni aprilip 23-iani 24-ianilu.
Pinerlussimannginnermut uppernarsaateqarnissaq aamma ukiut tallimat uterlugit CV-mik peqarnissaq piumasarineqarpoq.
Pinerlussimannginnermut uppernarsaat: Piumasaqaatit naapertorlugit oqaloqateqarnissamut aggersaanitsinni minnerpaamik pinerlussimannginnermut uppernarsaatip atuuttup assilinera qinnutigissavarput.
Cargo Manager Nuuk Heidi Schermer mobil +299 54 89 69-mut attaveqarfigalugu paasissutissanik amerlanerusunik pissarsisinnaavutit.
Assigiinngisitaarneq
Akuutitsiniarluni sulisussarsiornissamut qulakkeernissamut immitsinnut pisussaaffilerpugut, aammalu tamanut qanorluunniit tunuliaqutalinnut qinnuteqarnissamut kaammattuilluta. Takunnissinnaanerit, misilittakkatigut tunuliaquttat kulturillu assigiinngisitaarnissaat pingaartipparput, aammalu sulisut pikkorissut, inuunerminni assiginngitsunik misilittagallit Kalaallit Nunaata kivinnissaanut anguniagaqarnitsinni pingaaruteqarnerat upperaarput.
Qinnuteqarnissamut killissarititaasoq: apriilip 20.-at, 2026