Air Greenlandimi timmisartunik iluarsaasartutut ilinnialersussanik 1. august 2026 aallarnerfigalugu pissarsiorpugut.
Maskiinanik pisataanillu ilisimaarinnikkuit, nammineersinnaassuseqarlutit, akisussaassuseqarlutit pitsaassutsinillu ilisimaarinninnermut pingaartitsisuullutit, taamaappat immaqa Air Greenlandimi ilinnialersinnaavutit.
Ilinnialernissamut piumasaqaatit ukuupput:
- Pinerluuteqarsimannginnermut uppernarsaat
Pigigukkit iluaqutaasussat:
- Ilinniarnertuutut matematikki, fysikki kiisalu tuluttut angusiffigisimanissai.
- Imaluunniit TECS-mi tunngavimmik ingerlatsinnermik angusaqarsimanissaq
Ilinniarneq:
Ilinniarneq ukiut sisamat affarlu sivisussuseqarpoq, tassanilu atuagarsorneq suliffimmillu misiliineq paarlakaattumik ingerlanneqartarlutik. Atuagarsorneq Danmarkimi ingerlasarpoq, Air Greenlandimilu suliffimmik misiliinermik ingerlasarluni. Ilinniarneq pillugu uugguuna paasisaqarnerugit https://www.tec.dk/.
Air Greenlandimi timmisartumi iluarsaasartunngornissannut suliffimmi misiliinissannut qinnuteqarusukkuit, immersugassaq ”Kalaallit Nunaanni ilinnialernissamut qinnuteqaat aamma ilinniagaqarnersiuteqalernissamut qinnuteqaat” sumiiffigisanni Majoriamut nassiutissavat.
Ilinnialernissamut qinnuteqaat nassiussimalerukku, ilinnialernissamut ilinniagaqarnersiuteqalernissamullu akuerisaasimaguit, nittartagarput aqqutigalugu timmisartumi iluarsaasartutut ilinniarninni, suliffimmik misiliinissamut qinnuteqarsinnaavutit.
Sumiiffigisanni Majoriamut saaffissat linki toorlugu takukkit
https://iserasuaat.gl/emner/majoriaq/om-majoriaq/find-center
Uunga saaffiginnillutit paasissutissanik amerlanerusunik pissarsisinnaavutit: Fixed Wing Manager Line Maintenance Mads Peter Heiselberg, oqarasuaat +299 34 34 59-imut