Inummik misilittagalimmik aaqqissuussamillu sulisinnaasumik, Flight Operations support-eritut suliatsinnik nukittorsaasinnaasumik pissarsiorpugut. Atorfimmi pingaarnertut akisussaaffigineqassapput: Timmisartuni assigiinngitsuni tamani Electronic Flight Bag (EFB), Flight Data Monitering-ip (FDM) isumagineqarnera, kiisalu Operation Control Center-itsinni IT-mut tunngasut ingerlanneqarnerinut tapersersuineq. Atorfimmi EFB-p iluani EASA-mut maleruagassat annertuumik ilisimaneqarnissaat, kiisalu FDM-ip iluani tunngavissat suliallu ingerlasarneri, aamma IT-kkut sakkussat, OCC-mi (Flight Planning / Scheduling) atorneqartut atornissaannik ilisimasaqarnissaq pisariaqartinneqarpoq. Tamatuma saniatigut Flight Operations-imi suliassani assigiinngitsuni suleqataasoqarnissaa, kiisalu ataasiakkaat piginnaaneqarfii tunngavigalugit akisussaaffinnik annertusititsisinnaanissaq naatsorsuutigineqarpoq.
Piumasaqaatit minnerpaaffii piginnaaneqarfiillu:
- EASA-mut malittarisassanik ilisimasaqarluarneq, pingaartumik EFB-mut, dispatch-imut aamma performance-mut tunngasuni
- DOC 8168-mut ilisimasaqarluarneq, kiisalu perfomance—mut naatsorsuisarnernik paasisimasaqarneq
- Isumannaallisaanermut aqutsinermi tunngavissanik, aamma pisunik nalunaarusiortarnermik ilisimasaqarneq, tassungalu suliassaqarfimmi suleriaatsit pitsaanerpaat ilaatinneqarput.
- Sullissinermik nakkutilliinermik, crew control-imik aamma dispatch-imik pilersaarusiornermilu suliassanik misilittagaqarneq.
- Angallassinerup ingerlanneqarnerani / pilersaarusiortarnermi IT support-imi sakkussat atorlugit sulinissamik misilittagaqarneq
- Danskisut oqaatsit (ajornarpat nunani avannarlerni oqaatsit allat) aamma tuluttut oqaatsit atorlugit pitsaasumik attaveqaqateqarnissamut piginnaaneqarneq – allakkatigut oqaluinnarnikkullu.
- Aaqqissuussamik tulleriiaartumillu sulinissamut piginnaaneqarneq, ajornanngippat sulianik aqutsinermik misilittagaqarneq.
- Namminersorluni sulisinnaanermut piginnaaneqarneq
- Inuussutissarsiorfimmi attuumassutilimmi sivikinnerpaamik ukiuni tallimani misilittagaqarneq, taakkunanngalu sivikinnerpaamik ukiuni marlunni silaannakkut angallasseqatigiiffimmi assingusumik atorneqarsimaneq.
Akisussaaffeqarfiit:
- Timmisartunut assigiinngitsunut tamanut EFB platformi
- FDM platformi aamma timmisartunit assigiinngitsunit tamanit paasissutissanik suliaqarneq
- OCC-mi IT-mut sakkunut ikiuuttarneq aamma ingerlatsinermik pitsanngorsaanermut tapersersuineq
- Suliassanik Flight Operations Manager-imit (FOM) taassumaluunniit taartaanit suliakkiissutigineqartunik isumagisaqarneq.
Neqeroorutigaagut:
Suliffeqarfimmi uummaarissumi immikkoortortaqarfimmi pissanganartumi atorfik unammillernartoq, inuttut suliatigullu ineriartornissamut periarfissaqarluartoq. Flight Operations-ip allaffeqarfiani suleqatigiit ingerlalluartut suleqatigissavatit, kiisalu aaqqissuussaaneq akimorlugu suliassani ukunani suleqataassallutit: ulluinnarni ingerlatsineq pitsanngorsaanerlu, Safety & Compliance, kiisalu suleqatigiissitani assigiinngitsuni ataatsimiinnernilu peqataasarnerit. Aaqqissuussaanermi immikkoortorpassuit assigiinngitsut attuumassuteqarfigissavatit, aammalu ulluinnarni sulinermut suliassallu isumagineqarnerinut annertuumik sunniisassaatit.
Qullersat pingaarnerit tassaassaaq Flight Operations Manager, kisiannili namminersorlutit sulisarnissat, suliakkiissutaasunik naammassisaqartarnissat, kiisalu flight operations-ini tamani suleqataalluarnissat naatsorsuutigissavat.
Atorfimmi inunnut ataasiakkaanut piumasaqaatit naapertorlugit akissarsiaqartitsisoqassaaq. Taassuma saniatigut ilaqutariit ukiumoortumik sulinngiffeqarnermi angalanerannut akiliunneqartarneq kiisalu sillimmasiissutit ataatsimoortut pilerinartut, ilaatigut piffissaq tamakkerlugu ajutoorsinnaanermut sillimmasiissutinik, ataatsimoortumik inuunermut sillimmasiissutinik, kiisalu napparsimmavissuarmiinnermi akiliunneqarnissamut sillimmasiissutinik ilaqartinneqartut ilaatinneqarput.
Pisariaqartitsisoqarnerani inissiamik neqerooruteqartoqarsinnaavoq.
Annertunerusumik paasisaqarusunnermi Flight Operations Manager Per Schmock, mok@airgreenland.gl, attaveqarfigineqassaaq. E-mailikkut qiinnuteqaatinik tigusineq ajorpugut.
Pinerlussimannginnermut uppernarsaat: Piumasaqaatit naapertorlugit uagutsinnut oqaloqatiginninnissamut qaaqqusinitsinni minnerpaamik pinerlussimannginnermut uppernarsaatip atuuttup assilineranik nassartoqarnissaa qinnutigaarput.