Air Greenlandip Kantiinaani mamarsakkanik nerisassiornermik ilinniartumik, pissarsiorpoq.
Suliffimmi ulapaarfiusumi nerisassanik suliaqarneq sulisunillu assigiinngitsorpassuarnik kiffartuussineq soqutigaajuk? Ullaakkut nukissaqarluarlutit, piffissarlu eqqorlugu ullaaralaakkut piareeqqasinnaallutit? Taava Air Greenlandimi praktikkernissannut periarfissaqarputit.
Kantiina nuummi Air Greenlandip qitiusumik allaffeqarfiani inissisimavoq, sisamanillu sulianik pimoorussilluartunik sulisoqarluni. Ataatsimoorluta ullormut allanngoratunik mamarsarluakkanik tigusassanik assigiinngitsunik inunnut 150 misaaniittunut ulloqeqqarsiutissanik sassaalliisarpugut.
Suliassatit:
- ullormut sassaalliutissanik piareersaasiorneq
- Piareersaaneq nerisassanik tigoriaannanik immiineq
- Erruineq, nerriviianeq eqqiaanerlu
- Pisianik imikkoortiterineq tigusinerlu
- Suleqatigiilluni sulisunut ilorrisimaarinninnermik pilisitseqatigiinneq
Naleqartitagut:
- Suliffimmi ulapaarfiusumi ulluinnarni suliassanik aulisinnaaneq
- piffissaq eqqorlugu suliartorsinnaaneq ullaaralaakkullu suliassanik aallartitsisinnaaneq
- Eqqiluisaarnissamik paasisimasalik, suliassanullu ammasumik qiimasumillu aalaavilik
- Sulisunut kantiinallu atuisuinut nalimmassarsinnaasoq, ikiuukkumartooq.
- Nerisassiornermut misilittaarusussusilik nutaaliornissamullu eqqarsarsinnaasoq
Piumasaqaatit allat:
Ilinniagaq pillugu annerusumik paasisaqarnerusinnaavutit www.inuili.gl iserfigalugu.
Ilinniarneq ukiut marluk qaammatillu arfinillinnik sivisussuseqarpoq, INUILI-milu teorii ingerlanneqartarluni, Air Greenlandimilu praktikkerneq ingerlanneqartarluni.
Suliassaqarfiit:
Ilinniarnermi igaffik kantinelu pillugit tunngaviusunik ilisimasaqanerulernissamik kiffartuussinerlu pillugu ilinniarneqassapput. Ilinniartup ilinniassaavaa nerisassat pitsaassusaat nalilersinnaanissaat, nerisassanik piareersaaneq, nerisassiorneq sassaalliisarnerlu.
Namminersorsinnaaguit, aalajaallutillu akisussaaffimmillu tigusisinnaallutit taava illiuvoq ilinniartussarput.
Paasisaqarnerorusukkuit Kantiinami aqutsisoq Tina Andersen oqarasuaatikkut toqqaannartumik 34 33 47-mut saaffigisinnaavat.