Air Greenland Nuuk Cabin Crew-inik sulisussarsiorpoq
Air Greenland Nuummi Dash 8-nut Cabin Crew Members-inik, 2026-mi februaarip aallartinnerani imaluunniit 2026-mi apriilip aallartinnerani akiliunneqarluni ilinniarnermik aallarniutaasumik aallartitsisinnaasunik pissarsiorpoq.
Timmisartutta Dash 8-t Kalaallit Nunaanni illoqarfiit nunaqarfiillu ullut tamaasa attaveqartittarpai, timmisartuussinerillu tamarmik sineriak tamakkerlugu inuit, ilaqutariit najukkanilu inuiaqatigiit akornanni qanilaarnermik pilersitsiffiusarput.
Aallarniutaasumik ilinniarnerup ingerlanneqareernerani naammassineqareerneranilu qaammatinut arfinilinnut isumaqatigiissusiornissamik, qaammatinut pingasunut sivitsorneqarsinnaasumik neqerooruteqarsinnaavugut.
Uagutsinni sulininni suleqatigiinnut, nukimmik, qungujulanermik torersaarnermillu pingaartitsilluinnartunut suleqataalissaatit.
Avatangiisinut toqqissisimalersitsisinnaaneq ileqqoriinnarpiuk?
Pissarsiarerusuppatsigit:
• isumagissaarlutit, uummaarillutit nukittuguit
• inuit qanillugit attaveqarneq nuannarigukku
• angalaneq nunattalu silaannarmiit misiginissaa nuannarigukku
• ullut tamaasa tikeraatsinnut misigisaqartitsilluarsinnaaguit
Piginnaaneqarfitit:
• Pinerluuteqarsimannginnermut uppernarsaateqarneq
• Kalaallisut, danskisut tuluttullu eqarinagu oqallussinnaaneq
• Attaveqaqateqarnissamut piginnaaneqarluarneq aamma inussiarnersuuneq ikiuukkumatunerlu
• Piffissanik suliffissanik eqaatsumik aaqqiisinnaaneq, tassungalu ilanngullugu unnukkut/unnuakkut, sapaatit akunnerisa naanerini ullunilu nalliuttuni sulisinnaaneq
Ilinniarnerup aallartinnginnerani:
• Angallannermut Aqutsisoqarfiup piumasaqaatai naapertorlugit Cabin Crew Medical-itut naammassisimaneq (timmisartortartunut nakorsamit suliarineqartarpoq)
Angallannermut Aqutsisoqarfiup medical-imut piumasaqaatai pillugit uani annertunerusumik atuagaqarsinnaavutit:
https://www.trafikstyrelsen.dk/arbejdsomraader/luftfart/flyvemedicin/-for-piloter-kabinepersonale-samt-flyveledere
Ilinniarnerpit naammassereernerani:
• Cabin Crew Attestation-imik (CCA) atuuttumik peqalissaatit
• Dash 8-mut pikkorissarneq angusiffigissavat
Neqeroorutigaavut:
Suliffeqarfik pissanganartoq, iluarisimaarnartunik suleqateqarfiusoq.
Akissarsiat unammillersinnaasut, akiliunneqarluni sungiusarneq, kiisalu Kalaallit Nunaanni sumiiffinnut assigiinngitsunut angalanissamut misigisaqarnissamullu periarfissat.
Cabin Manager Mette Steenholdt e-mail: met@airgreenland.gl aqqutigalugu imaluunniit tlf. +299 48 25 28-mut sianerlutit paasissutissanik amerlanerusunik pissarsisinnaavutit.
Qinnuteqaatit, paasissutissanik attuumassutilinnik ilaqartinneqartoq nittartagarput aqqutigalugu nassiutissavat.
Air Greenlandimi suleqatigut tunniusimasut suleqatigilikkit.
Cabin Crew-imut ilinniartitsinerput pillugu uani annertunerusumik atuagaqarit:
https://www.airgreenland.dk/om-os/uddannelse/cabin-crew
Assigiinngisitaarneq
Akuutitsiniarluni sulisussarsiornissamut qulakkeernissamut immitsinnut pisussaaffilerpugut, aammalu tamanut qanorluunniit tunuliaqutalinnut qinnuteqarnissamut kaammattuilluta. Takunnissinnaanerit, misilittakkatigut tunuliaquttat kulturillu assigiinngisitaarnissaat pingaartipparput, aammalu sulisut pikkorissut, inuunerminni assiginngitsunik misilittagallit Kalaallit Nunaata kivinnissaanut anguniagaqarnitsinni pingaaruteqarnerat upperaarput.
Qinnuteqarnissamut killissarititaasoq: decembarip 31.-at, 2025