Schedule Manager
Silaannakkut angallassinermi pitsaasumik isumannaatsumillu pilersaaruteqartarnermik qulakkeereqataarusuppit? Nuummi suleqatigiinni Schedule Manager-imik ataqatigiissaarisinnaasumik tunniusimasumillu pissarsiorpugut.
Akisussaaffeqarfiit
- Immikkoortortaqarfimmik, timmisartunut inuttanut pilersaarusiortartumik aqutsineq
- Pilersaarusiortarnermik pitsanngorsaaniarluni suliat ingerlasarnerinik suleriaatsinillu ineriartortitsineq.
- Inuttat sulisullu pigaartuusarnerinut pilersaarusiat suliarineqartarnerinut pingaarnertut akisussaaffeqarneq.
- Inuttalersuisarnerup pilersaarusiortarnerullu pitsaasumik aningaasartuutikillisaaffiusumillu ingerlanneqartarneranik qulakkeerisarneq.
- Pilersaarusiornermi pissutsinik attuumassutilinnik tamanik siumoortumik takunnissinnaaneq eqqarsaateqarnerlu, soorlu angallannermut pilersaarutit, sungiusarnissamut piumasaqaatit, ilitsersuisussaqarneq atortussanillu atuisinnaaneq eqqarsaatigalugit.
- Suliassaqarfimmi sulisut tamarmik eqqortumik ilinniagaqarsimanissaannik qulakkeerisarneq.
Pisinnaasat piginnaaneqarfiillu
- Silaannakkut angallassinermi sivikinnerpaamik ukiuni pingasuni suliassanut attuumassutilinnik misilittagaqarneq, ajornanngippat dispatch-imik pigaartunullu pilersaarusiortarnermik aallussiffiusumik.
- Suliassaqarfimmi assingusumi aqutsinermik misilittagaqarneq.
- Ingerlasussanik pilersaarusiortarnermik aaqqissuussisarnermillu, pigaartussanut pilersaarusiortarnermik assingusumilluunniit ilinniagaqarsimaneq.
- Aqutsisinnaaneq aalajangiisinnaassuseqarnerlu uppernarsarneqarsinnaasoq.
- Aaqqissuussamik tulleriiaartumillu sulisinnaassuseqarneq.
- Attaveqaqateqarnissamut piginnaaneqarluarneq – qallunaatut, tuluttut aammalu pitsaanerusoq kalaallisut
- Inuttut piginnaasat suliassanut naleqquttut.
Suliatigut ilisimasat
- EASA-mut maleruagassanik, timmisartortartunut uppernarsaatinik sulinermilu killissarititaasunik ilisimasaqarluarneq.
- Inuttanut pigaartunullu pilersaarusiornermik misilittagaqarneq.
- Isumannaallisaanermik aqutsinissamik (Safety Management) ilisimasaqarneq.
Neqeroorutigaavut
Suliffeqarfimmi uummaarissumi immikkoortortaqarfimmi pissanganartumi atorfik unammillernartoq, inuttut suliatigullu ineriartornissamut, kiisalu siunissamut sunniinissamut periarfissaqarluartoq.
Atorfimmi inunnut ataasiakkaanut piumasaqaatit naapertorlugit akissarsiaqartitsisoqassaaq. Inissiaq nuunnerlu malittarisassat atuuttut malillugit.Tassunga ilaqutariit ukiumut ataasiarlutik sulinngiffeqarnermut atatillugu angalanerannut akiliussisarneq, kiisalu sillimmasiissutit pilerinartut, piffissaq tamakkerlugu ajutoorsinnaanermut, ataatsimut inuunermut napparsimmavissuarmiinnermullu akiliunneqarnissamut sillimmasiissutit ilaqartut ilaatinneqarput.
Pisariaqartitsinermi inissaqartitsisoqarsinnaavoq.
Annertunerusumik paasisaqarusunnermi Flight Operations Manager Per Schmock, mok@airgreenland.gl aqqutigalugu saaffigineqarsinnaavoq
Assigiinngisitaarneq
Akuutitsiffiusumik inuttassarsiuinissap qulakkeernissaanut immitsinnut pisussaatippugut, aammalu kikkut tamaasa tunuliaquttat apeqqutaatinnagit qinnuteqarnissaannut kaammattuivugut.
Isummat, misilittakkatigut tunngaviit kulturillu assigiinngisitaartarneri iluarisimaarparput, aammalu sulisut piginnaaneqarluartut, inuunerminni assigiinngitsunik misilittagallit Kalaallit Nunaat kivinniarlugu anguniakkatta angunissaannut pingaaruteqartoq upperaarput.
Pinerlussimannginnermut uppernarsaat: Piumasaqaatit minnerpaaffii naapertorlugit oqaloqatiginninnissatsinnut aggersaanitsinni namminerisamik pinerlussimannginnermut uppernarsaatip atuuttup assilineranik nassartoqarnissaa piumasaraarput.