OCC Manager
OCC Manager-imik pissarsiorpugut
Suleqatitsinnut sullissivimmiittunut OCC Manager-imik misilittagalimmik ataqatigiissaarisinnaasumillu pissarsiorpugut. Atorfik Operations Control Center-imi (OCC) pingaarnertut akisussaaffeqarfiuvoq, aammalu aqutsinermik piginnaaneqarluarnissamik, kiisalu EASA-mut maleruagassanik silaannakkullu angallannerup iluani ingerlatsinermik ilisimasaqarluarnissamik piumasaqaateqarfiulluni.
Piumasaqaatit minnerpaaffii piginnaaneqarfiillu:
- EASA-mut maleruagassanik ilisimasaqarluartoq, pingaartumik timmisartuussinernut, inuttat allagartaanut aammalu piffissamik suliffiusunut killigititaasunut tunngasunik ilisimaarinnittoq.
- Isumannaallisaanermi aqutsinermut pisunillu nalunaaruteqartarnermut tunngavissanik ilisimasaqarneq, inuussutissarsiorfimmi suleriaatsit pitsaanerpaat ilanngullugit.
- Sullissinernik nakkutilliinermik, inuttanik nakkutilliinermik dispatch-imullu pilersaarusiornermik misilittagaqarneq.
- Aqutsisutut/management-imut ilinniarsimanermut uppernarsaateqarneq.
- Aaqqissuussamik tulleriiaartumillu sulisinnaassuseqarneq, ajornanngippallu sulianik aqutsinermik misilittagaqarneq.
- Timmisartunut aquttutut dispatcher-itulluunniit ilinniagaqarneq, kiisalu aqutsisutut pikkorissarsimaneq.
- Sivikinnerpaamik ukiuni tallimani suliffimmut assingusumut misilittagaqarneq, taakkunanngalu sivikinnerpaamik ukiuni marlunni silaannakkut angallassinermi pisortatut atorfeqarsimaneq.
Akisussaaffeqarfiit:
- Operations Control Center-imik (OCC) sulisunillu aqutsineq
- Air Greenland OCC-mik ineriartortitsineq
- Sullissinermi ingerlatsinermik pitsanngorsaaqataaneq
- Flight Operations Manager-ip (FOM) taassumaluunniit paarlattaanit suliakkiissutinik isumagisaqarneq.
- Sulisunik aqutsineq, tassunga ilanngullugu napparsimallutik sulinngitsunik nakkutilliineq aamma Air Greenlandip politikkiinik unioqqutitsinernik isumagisaqarneq.
- Ingerlatsinerup isumannaatsuunissaanik pitsaasuunissaanillu, kiisalu atorfiit attuumassutillit tamarmik ilinniarsimasunik sulisoqarnissaannik qulakkeerisarneq.
- Sullissineq akuersaarneqarsinnaanngitsunik annaasaqarfiusumik eqqorneqarpat, FOM-imut ilisimatitsisarneq.
Neqeroorutigaavut:
Suliffeqarfimmi uummaarissumi immikkoortortaqarfimmi pissanganartumi atorfik unammillernartoq, inuttut suliatigullu ineriartornissamut periarfissaqarluartoq.
Atorfimmi inunnut ataasiakkaanut piumasaqaatit naapertorlugit akissarsiaqartitsisoqassaaq. Tassunga ilaqutariit ukiumut ataasiarlutik sulinngiffeqarnermut atatillugu angalanerannut akiliussisarneq, kiisalu sillimmasiissutit pilerinartut, piffissaq tamakkerlugu ajutoorsinnaanermut, ataatsimut inuunermut napparsimmavissuarmiinnermullu akiliunneqarnissamut sillimmasiissutit ilaqartut ilaatinneqarput.
Pisariaqartitsinermi inissaqartitsisoqarsinnaavoq.
Annertunerusumik paasisaqarusunnermi Flight Operations Manager Per Schmock mok@airgreenland.gl aqqutigalugu saaffigineqarsinnaavoq.
Assigiinngisitaarneq
Akuutitsiffiusumik inuttassarsiuinissap qulakkeernissaanut immitsinnut pisussaatippugut, aammalu kikkut tamaasa tunuliaquttat apeqqutaatinnagit qinnuteqarnissaannut kaammattuivugut.
Isummat, misilittakkatigut tunngaviit kulturillu assigiinngisitaartarneri iluarisimaarparput, aammalu sulisut piginnaaneqarluartut, inuunerminni assigiinngitsunik misilittagallit Kalaallit Nunaat kivinniarlugu anguniakkatta angunissaannut pingaaruteqartoq upperaarput.
Pinerlussimannginnermut uppernarsaat: Piumasaqaatit minnerpaaffii naapertorlugit oqaloqatiginninnissatsinnut aggersaanitsinni namminerisamik pinerlussimannginnermut uppernarsaatip atuuttup assilineranik nassartoqarnissaa piumasaraarput.