Security Assistent
Air Greenlandimi paasissutissat isumannaatsuunissaannut toqqissisimanissamullu suleqataarusuppit? Security-ip immikkoortortaqarfiani, Security Assistentimik ataqatigiissaarisinnaasumik, akisussaaffimminillu ilisimaarinnittumik pissarsiorpugut.
Atorfik pillugu
Security Assistentitut sulisut nutaat pioreersullu tunuliaqutaannik annertusisamik misissuinissamut, kiisalu security awareness-imut pikkorissarnerit inatsisitigut piumasaqaataasut ataqatigiissaartarnerinut akisussaasuussaatit. Security-mut immikkoortortaqarfiup ulluinnarni aqunneqarneranut suleqataassaatit, aammalu P-secure system-ip elektroniskiusup aserfallatsaaliorneqarnera aqqutigalugu paasissutissat isumannaalluinnarnissaannut sumiiffissiornissaannullu suleqataassallutit.
Suliassatit pingaarnerit
- Tunuliaqutanik annertusisamik misissuisarnerit, aammalu security awareness-imut misissuinerit ingerlanneqartarnerinik malitseqartitsisarneq
- Paasissutissat isumannaatsuunissaannut sumiissusersineqarsinnaanissaannullu P-secure systemimik tulleriiaarisarneq aserfallatsaaliuisarnerlu
- Ulluinnarni saaffiginnissutinik isumagisaqartarneq, aamma tunuliaqutanik misissuisernermut atatillugu suleriaatsinik ataqatigiissaarisarneq
- Sulisunut GAIR id-kort-inik inniminniisarneq
Piginnaaneqarfitit
- Aaqqissuussamik sulisinnaavutit torersaartuullutillu
- Allaffissornermik misilittagaqarputit, ajornanngippallu paasissutissanik isumannaallisaasarnermik ilisimasaqarlutit
- Namminersorlutit sulisinnaavutit suleqatikkuminartuullutillu
- Attuumassutilimmik ilinniagaqarputit imaluunniit suliassaqarfimmi misilittagaqarputit
Neqeroorutigaavut
- Suliffeqarfimmi uummaarissumi immikkoortortaqarfimmi pissanganartumi atorfik unammillernartoq, inuttut suliatigullu ineriartornissamut periarfissaqarluartoq.
- Atorfimmi inunnut ataasiakkaanut piumasaqaatit naapertorlugit akissarsiaqartitsisoqassaaq. Tassunga ilaqutariit ukiumut ataasiarlutik sulinngiffeqarnermut atatillugu angalanerannut akiliussisarneq, kiisalu sillimmasiissutit pilerinartut, piffissaq tamakkerlugu ajutoorsinnaanermut, ataatsimut inuunermut napparsimmavissuarmiinnermullu akiliunneqarnissamut sillimmasiissutit ilaqartut ilaatinneqarput.
Assigiinngisitaarneq
Akuutitsiffiusumik inuttassarsiuinissap qulakkeernissaanut immitsinnut pisussaatippugut, aammalu kikkut tamaasa tunuliaquttat apeqqutaatinnagit qinnuteqarnissaannut kaammattuivugut.
Isummat, misilittakkatigut tunngaviit kulturillu assigiinngisitaartarneri iluarisimaarparput, aammalu sulisut piginnaaneqarluartut, inuunerminni assigiinngitsunik misilittagallit Kalaallit Nunaat kivinniarlugu anguniakkatta angunissaannut pingaaruteqartoq upperaarput.
Pinerlussimannginnermut uppernarsaat: Piumasaqaatit minnerpaaffii naapertorlugit oqaloqatiginninnissatsinnut aggersaanitsinni namminerisamik pinerlussimannginnermut uppernarsaatip atuuttup assilineranik nassartoqarnissaa piumasaraarput.
Qinnuteqaat
Qinnuteqaatit CV-llu inuttassarsiuinernut attaveqarfipput aqqutigalugu nassiuguk. Atorfik pillugu apeqqutissaqaruit Security Manager, Rita Skifte mail: rit@airgreenland.gl aqqutigalugu attaveqarfigisinnaavat.
1. januaari 2026-mi atorfinitsitsisoqassaaq imaluunniit isumaqatigiissuteqarnikkut.