Air Greenland Flight Operations Officer (OCC)- mik Nuummi pissarsiorpoq
Air Greenland tassaavoq timmisartuussinermik ingerlatseqatigiiffik ineriartornermik ingerlalluartoq, ineriartornerlu malillugu atorfinnik nutaanik pioreersunillu atorfinitsitsisarnissaq ingerlaavartumik ingerlanneqartarpoq. Taamaattumik suleqatissarsiorpugut, suleqatissarsiorpugullu piginnaasaqarluartumik, akisussaassuseqartumik, suleqatikkuminartumik. Atorfik Nuummi inissisimavoq, suliassatillu ilaatigut makkuupput:
Atorfik pillugu:
Flight Operations Officeritut Operation Control Center (OCC)-mi suleqatitit qulingiluat peqatigalugit Air Greenlandip timmisartuutaani tamani ingerlatsinermik aqutsinissaq akisussaaqataassaatit. Tamanna imaappoq timmisartut inuttallu timminissamut pilersaarutaareersut anguneqarnissaat qulakkeernissaa, timmisartut malinnaavigalugit, pilersaarutaanngitsumik pisoqartillugu nutaamik pilersaarusiorneq suliaralugu, kiisalu soqutigisaqartut tamarmik angalanissamut pilersaarummut allannguutaasut pillugit paasissutissinneqarnissaat qulakkeerlugu.
Suliassatit akisussaaffigisassallu:
- Ullormut angalanissamut pilersaarusiorneq, timmisartuussinissanik pilersaarusiorneq, kiisalu timmisartuussinissamut atatillugu paasissutissanik katersineq teknikkimut immikkoortortaqarfik, mittarfimmi sulisut, usissanik sulisut, inuttallu suleqatigalugit.
- Inuttat piffissamik atuinerat malinnaavigalugu nalunaarsuineq.
- Inuttat tamarmik atuuttumik akuersissummik, nakorsaatinik, sungiusarnermillu peqarnissaat qulakkeerlugu.
- Teknikkimut immikkoortortaqarfik qanittumik attaveqarfigalugu pilersaarutaasumik angalanissamut allannguutit tamaasa nalunaarsorlugit.
- Pisuni ajutoornermilu EMS aallartinneqassaaq.
Piginnaasat:
- OCC-mi atorfininnissamut ilinniakkat tassaasinnaapput Flyklarer, Dispatcher, AFIS-operatør, Trafikassistent imaluunniit Logistikuddannelse.
- Piffissamik naleqqussarsinnaasoq, ulapaarfimmi eqqissisimasoq, suleqatiginnikkusuttoq attaveqaqatigiittorlu.
- Aaqqissuussamik, eqqortumik, aaqqiissutissarsiullaqqissuullunilu inatsisinik isumaqatigiissutinillu malinnittoq.
- Angalanissamut piffissamik killiliussanik, inatsisinik allakkianillu paasisimasaqarluartoq.
- Suleqatiginnillaqqissoq namminersorlunilu sulisinnaasoq.
- IT-mik ilisimasaqarluartoq tuluttullu allassinnaallunilu oqalussinnaasoq qaffasissumik.
Assigiinngisitaarneq
Akuutitsiniarluni sulisussarsiornissamut qulakkeernissamut immitsinnut pisussaaffilerpugut, aammalu tamanut qanorluunniit tunuliaqutalinnut qinnuteqarnissamut kaammattuilluta. Takunnissinnaanerit, misilittakkatigut tunuliaquttat kulturillu assigiinngisitaarnissaat pingaartipparput, aammalu sulisut pikkorissut, inuunerminni assiginngitsunik misilittagallit Kalaallit Nunaata kivinnissaanut anguniagaqarnitsinni pingaaruteqarnerat upperaarput.
Aningaasarsiat atorfininnermilu atugassarititaasut:
Akissarsiat atorfimmut piumasaqaataasut naapertorlugit Air Greenlandip HK Service Hovedstaden-illu isumaqatigiissutaat naapertorlugit ingerlanneqassapput. Tamatuma saniatigut suliffeqarfiup akiligaanik ukiumut ataasiaq ilaqutariinnut sulinngiffeqarnermi angalanissamut periarfissaq, soraarnerussutisiaqalernissamut aaqqissuussaq kiisalu sillimmasiissutit pilerinartut, ilaatigut tamakkiisumik ajutoornissamut sillimmasiissut, gruppelivsforsikring kiisalu peqqissutsimut sillimmasiissut.
Atorfimmut soqutiginnikkuit paasissutissat amerlanerusut pisariaqartikkukkit Operations Control Manager Ole Munch attavigisinnaavat oqarasuaatikkut +299 34 33 68 / mobil +299 52 43 90
Atorfininneq: Isumaqatigiissuteqarnikkut imaluunniit kingusinnerpaamik 1. december 2025.
Qinnuteqarnissamut killissarititaasoq: oktobarip 13.-at, 2025