Kalaallit Nunaata iluani timmisartuni saqisunik aqutsisoq
Silaannakkut nunakkullu isumannaatsuunissaq, autsineq, inuit atugarissaarnissaat, kiffartuussinerlu immikkut ittoq pingaartippigit?
Air Greenland Kalaallit Nunaani timmisartut timmisartuini saqisunik aqutsisumik, Cabin Crew Base Supvisor-imik (CC BS) ujartuivoq. Najuuttuartuullutit aaqqissuussaasumik aqutsisuullutit timmisartumi inuttanut (CCM) ulluinnarni suliamut tunngasunik, ataqatigiilluartunik toqqissisimasunillu atugassaqartitsinermi qitiusumik inissisimassaatit.
Ulluinnarni inuuneq — timmisartortarneq aqutsinerlu
Timmisartornermik allaffissornermullu attuumassuteqartumi atorfimmi sulisut pisariaqartitaat eqqarsaatigalugit pilersaarusiortarpatit. ’Cabin Manager’-imut nalunaarutigisarpat suleqatinnullu tunniusimasunut suleqatigiinneq tatigeqatigiinnerlu pingaartillugit.
Illit akisussaaffitit:
Aqutsineq atugarissaarnerlu:
- Timmisartumi saqisunut takussaavutit, saaffigiuminartuullutillu maligassiuisuuvutit
- Sulisut naammagisimaarinninnerulernissaat suliffimmilu avatangiisit pitsaanerulernissaat sulissutigissavat
- Suliassanik kiffartuussinermilu periutsit ineriartortinnissaannut peqataaneq
- Ilinniartitsinermik piginnaanngorsaanermillu pilersaarusioqataasarneq
Attaveqaqatigiinneq kulturilu:
- Timmisartornermut peqataasarnerit inuttanullu allaffissornermullu attaveqarnerit
- Najoqqutassiavut, anguniagavut periaaserpullu saqisunut erseqqissarnissai
- Suliniutit kiffartuussinerillu pillugit CCM-ip nutarterneqartarnissaa qulakkeerinninneq
Aaqqissuussaaneq pitsaassuserlu:
- Pisinnaatitaanermut uppernarsaatit, timmisartumut ilaanissamut allagartat, nakorsamut uppernarsaatit sungiusarsimanermullu uppernarsaatit
- Corusonimi nalunaarusiat malinneqarnersut nakkutigisarpat pitsaassutsimillu qulakkeerinnittarlutit
- Sulisut ineriartornissaat pillugu oqaloqatigisarpatit aamma nuannaarnissaannik suliniuteqartarlutit
- Saqisut nutaat ilinniartinneqarluarnissaat sulisussarsiorluarnissarlu qulakkeertarpat
- Atisalersoriaatsimut najoqqutassiat suliffimmilu najoqqutassiat maleruartarpatit
Kinaassusit?
Siuttuulluartuullutillu inunnik misiginneqatiginnissinnaassuseqarputit, aamma
- Ulluinnarni ulapaarfiusumi kajumissaasinnaasoq
- Erseqqissumik attaveqatigiinnermik pingaartitsisoq — allakkatigut oqaatsikkullu
- Aaqqissuulluagaasumik sulisarputit akisussaaffeqarlutillu
- Ulapaarfiusumi eqqissisimallutillu tamakkiisumik isiginnissinnaavutit
Takorloorparput illit uku piginnaasarigitit:
- Kiffartuussinermik suliaqarnermi misilittagaqarluarneq – timmisartumi inuttatut
- Siulersuinermut, sulisunik aqutsinermut akerleriinnernillu aaqqiinissamut ilinniartinneqarneq
- Kalaallisut, qallunaatut tuluttullu oqalussinnaaneq
- IT-mik misilittagaqarluarneq, soorlu Office, AIMS aamma Coruson
Pingaarutilimmut peqataagit
Air Greenlandimi timmisartunik suliaqaaannanngilagut aamma inuit sullittarpavut. Upperaarput sulisut toqqissisimasut ilaasunik toqqissisimatitsisartut. Taamaattumik Air Greenlandimi Cabin Crew-imi kulturimik, pitsaassutsimik suleqatigiinnermillu nukittorsaasussamik maannakkut ujarlerpugut.
Air Greenlandimi timmisartumi ilaasut nuannaarnerat, toqqissisimanerat tatiginninnerallu sulissutigissavat, tamannalu ilaasut immikkut ittumik kiffartuussilluarnermik piffissamullu eqqortumut apuunnermik misigissavaat.
Qulaanni taakkartukkani imminut ilisarisinnaavit?
Taava tusarfigerusuppatsigit!
Neqeroorutigaavut:
Akissarsiat qinnuteqartup piginnaanerinut misilittakkanullu atorfimmilu piumasaqaatinut inuttut ataasiakkaatut piumasaqaatinut naapertuuttut. Tamatuma saniatigut illoqutigiit ukiumoortumik suliffeqarfiup akiligaanik angalaneq, soraarnerussutisiaqalernissamut aaqqissuussaq kiisalu sillimmasiissutit pilerinartut, ilaatigut inuussutissarsiuteqarsinnaajunnaarnissamut, piffissaq tamaat ajunaarnermut, eqimattatut inuunermut napparsimmavimmilu uninnganermut sillimmasiissut.
Qinnuteqarnissamut killigititaq
Qinnuteqarnissamut killigititaq: 21. juuli 2025
Ulloq atorfinitsitsiffissaq isumaqatigiissutigineqassaaq. Qinnuteqartut tikisarnerat naapertorlugu oqaloqatigiinnerit ingerlanneqassapput. Paasisaqarnerorusukkuit Cabin Manager Mette Steenholdt saaffigisinnaavat oqarasuaat +299 482528.
Qinnuteqarnissamut killissarititaasoq: juulip 21.-at, 2025