E-commece manager
Air Greenland ineriartupiloorpoq, aammalu piffissaq mittarfinnik alliliiffiusoq takornariaqarnermillu amerlititsiviussaq pissanganartoq ornippaa. Periarfissat nutaat atorluarnissaannut, tamatumalu peqatigisaanik unammilleqatigiinnerup annertusineranut naapertuuttumik sulinissatsinnut piareersimassaagut. Tassani eCommerce platform-erput pingaaruteqarpoq. Online-kkut inniminniisarfik atoruminartoq, takorlooruminartoq nutaaliaasorlu, sullitat uterfigissallugu nuannarisaat qulakkiissavarput.
Atuisut digitaliusumik inniminniillutik angalasarnerat ineriartortuarpoq, taamaattumillu suliassanut digitaliusunut pisortamik (Product owner), online-kkut inniminniisarfitsinnut immikkut akisussaasuusussamik, atuisut angallavissaminnik toqqaaniarneranni Air Greenlandip malinnaajuarnissaanik qulakkeerisussamik pissarsiorpugut.
Immikkoortortaqarfik:
Nuummi niuernermut attaveqaqatigiinnermullu immikkoortortaqarfimmi suleqatigiinni piginnaaneqarluartuni arfiniliusuni suleqataassaatit. Suleqatitillu ataatsimoorlusi atuisut online-mi silarsuup tamarmiusup iluani misigisassaannik nukittorsaaqataassaatit.
Pingaartumik online-kkut inniminniisarfik tassanilu avataaniit siunnersortit angalatitsiviillu qanittumik suleqatigalugit ineriartortitsineq akisussaaffigissavatit. Tamatuma saniatigut immikkoortortaqarfiup sinnera suleqatigalugu isumassarsianik ineriartortitsissaasi, aammalu paasititsiniaanermut uummaarissumut periusissiaq piviusunngortissavarsi, ilaatigullu atuisut peqatigiiffiat digitaliusoq Club Timmisa aqqutigalugu online-kkut tuniniaanermik pitsanngorsaanermut ikiuutissallusi. Taamaalillutit suleqatigiit sinneri aammalu niuernermut pisortaq peqatigalugit Air Greenlandimi suliniutinut periusissiorfiusunut, aamma eCommerce-mi suliassaqarfimmi tamarmiusumi sulianut sunniinissamut periarfissaqassaatit.
Sulianut digitaliusunut pisortamik misilittagalimmik, eCommerce platform-itsinnik ineriartortitsinissamut kajumissuseqarluartumik pissarsiorpugut, tassanilu pingaartumik aallunneqassapput:
- Online-kkut sulianik ineriartortitsinerup siumut ingerlanerani ataqatigiissaarineq, pilersaarusiorneq pilersitsisarnerlu – pingaartumik atuisut angalanissaannut inniminniinerit ingerlasarnerini pitsanngorsaanissaq UX-ilu aallunneqassallutik
- Club Timmisa app-imi ineriartortitsinermi angalatitsiviit suleqatigalugit suliassanik aqutsineq
- Immikkoortortaqarfiup sinnera suleqatigalugu platform-imi Agillic-imi ingerlaavartumik niuerfik aqqutigalugu niuernerit pillugit suleqateqarneq
- Niuerfiit suleqatigalugit soorlu google analytics aqqutigalugu ujartuisarneq nalunaarutinillu ikkussuisarneq
- Angalatitsivik suleqatigalugu SEM / SEO-mut sinaakkusersuineq
Piginnaaneqarfiit:
eCommerce-mut, ineriartortitsinermut aamma online-kkut platform-inik ingerlatsinermut attuumassutilimmik ilinniagaqarsimanissat misilittagaqarsimanissallu eqqarsaatigaarput. Suliatigut immikkut piginnaaneqarnerit, kisiannili allanik suleqateqarlutik aaqqiissutissanik pitsaanerpaanik ujartuisinnaanissat ataqqinaatigissavat. Sulianut aqutsilluarnissamut piginnaaneqarputit aammalu suliassannik suliaqarninni ‘aaqqiillaqqissuseqarputit’, kiisalu aallaavinnit assigiinngitsunit arlalinniit pissutsinik isigisinnaassuseqarlutik.
Qinnuteqartumik ukuninnga piginnaaneqartumik pissarsiorpugut:
- Atuisut angalanissaannut atortut digitaliusut iluani tappissuseqarluartoq pivisunngortitsinissamullu piginnaaneqartoq
- Sulianik aqutsinissamut tappissusilik
- eCommerce-p, digitaliusunik ilusilersuinerit, UX-it, UI-t, atuisut angalanissamut atortuinut digitaliusut assigisaasalu iluini misilittagaqarluartoq ilinniagaqartorlu – Amadeus-imik ilisimasaqarnissaq iluaqutaassaaq
- Niuernerup ingerlaavarnissaa pillugu aamma CRM-imut atortunik misilittagalik
- CMS-ip teknikkimut tunngasortaanut aamma HTML-imik paasinninnissamut piginnaanilik misilittagaqarluartorlu
- Ajornanngippat angalatitsinermik timmisartuussisarnermillu misilittagalik
- Kalaallit Nunaannik ilisimasalik
- Suliassanik aqutsinermi nukittooq
- Ingerlatitseqqissinnaanermut piginnaaneqarluartoq
Neqeroorutigaagut:Ulluinnani pissanganartuni ilaanneeriarlunilu ulapaarfiusuni atorfik pilerinartoq unammillernartorlu. Atorfimmi online-kkut tuniniaanermi pilerisaarinermilu piumasaqaatinut naapertuuttunik, attuumassutilinnut piginnaanngorsarfiusunik pikkorissartitsinissamut periarfissaqarpoq. Sulisunut ataasiakkaanut piumasaqaatit naapertorlugit akissarsiaqartitsinissaq neqeroorutigineqarpoq. Taakku saniatigut ilaqutariinnut ukiumut ataasiarluni sulinngiffeqarnermut atatillugu angalanissamut akiliussinissaq, soraarnerussutisiassanut aaqqissuussinerit kiisalu sillimmasiissutit ataatsimoortut pilerinartut, ilaatigut piffissaq tamakkerlugu ajutoorsinnaanermut, ataatsimut inuunermut kiisalu napparsimmavissuarmiinnissamut sillimmasiissutinik ilaqartut neqeroorutigineqarput.
Marketing chef Katja Vahl attaveqarfigalugu paasissutissanik amerlanerusunik pissarsisinnaavutit – Telefon +299 34 34 51 – mobil +299 58 92 59 imaluunniit e-mail kvh@airgreenland.gl