Narsarsuarmi stationitsinnut piukkunnaateqarluartumik sullisserusussuseqartumillu angalatitsinermut sullissisumik/angalatitsinermut ikiortimik 1. juuni 2025 imaluunniit isumaqatigiissuteqarnikkut atorfinissinnaasumik pissarsiorpugut.
Piukkunnaateqarfigisassat:
• Immaqa angalatitsinermut tunngasunik ilinniarsimsuuvutit stationinilu IT-nik atorneqartunik ilisimasaqartuullutit
• Minnerpaamik ukioq ataaseq stationini sulinermik misilittagaqaruit iluassaaq allagartaqarlutillu DGA-mut aammalu Security Awareness-mut.
• Nammineerlutit sulisinnaassuseqassaatit aalajangiisinnaassuseqarlutillu, aamma ulapaarfiup nalaani
• Qanimut suleqatigiinnermut sammisaqartuussaatit sukkasuumillu sulisinnaallutit, sulianillu tigoraapallassinnaassaatit piareersimasuullutillu allannguinissamut.
• Sungiussiasuussaatit sulinissamullu piareersimallutit.
• Suleqatinnut avataanilu suleqatigisartakkanut suleqatiginninnissamut piginnaaneqarluassaatit
• Aalajaatsuussaatit sullissiumassuseqarlutit ulaperuluffinnilu sulilluarsinnaallutit
• Kalaallisut qallunaatut tuluttullu oqalussinnaassaatit
• Politiininngaanniit isumannaallisaanermut akueritissimassaatit ukiunillu tallimanik kingumut sulerisimanersutit uppernarsarsinnaassavat
Suliassat:
• Stationini sulineq angallannermillu isumaginninneq
• Angalanissanik iniminniissussinerit bilitsinillu tuniniaanerit
• Ilaasunut paasissutissiisarnerit taakkunanngalu sullissinerit
• Allafissornikkut suliassat annikitsut
Neqeroorutigaavut:
Piukkunnaateqarfigisat misilittakkallu malillugit HK Service Hovedstaden-imi isumaqatigiissut naapertorlugu akissarsiaqartitsisoqassaaq.
Annertunerusunik paasiniaasoqarsinnaavoq stationsleder-imut Suulut E. Krogh-imut oqarasuaammut nr. 34 32 50.
Pinerluuteqarsimannginnermut uppernarsaat: Piumasaqaatit naapertorlugit uagutsinninngaanniit oqaloqatiginninnissamut aggersaasoqarnerani, minnerpaamik namminerisamik pinerluuteqarsimannginnermut uppernarsaatip atuuttup assilinera qinnutigineqartassaaq.
Qinnuteqarnissamut killissarititaasoq: maajip 12.-at, 2025