Mittarfimmi nutaami Check in assistentissanik qiimasunik marlunnik pissarsiorpugut.
Inussiarnersuuit aammalu angalasussat angalanerminnik aallartitsilluarnissaannut suleqataarusuppit? Suliffeqarfik ulappuffiusoq suliffigissallugu kajungeraajuk, aammalu suleqatigiinni, ikioqatigiillutik aaqqiissutissanik ujartuisuni suleqataalerusuppit? Suliffeqarfimmi allaanerulaartumi, ullaat tamaasa nal. 08.00 suliartorfigisariaqanngisanni sulinissat soqutigaajuk?
Taamaappat 1. april 2024-miit 28. februar 2026 tungaanut check in-imi assistentitsitut sulilernissamut periarfissaqarputit, ernereernermi sulinngiffeqarnerup nalaani sulinngiffeqarnermut atatillugu paarlatsitut.
Immikkoortortaqarfik pillugu:
Immikkoortortaqarfik ininut nutaanut nutseqqammerpoq mittarfittaap eqqaaniittunut, tassungalu atatillugu suleqatissatsinnik nutaanik ujaasivugut, suleqataareersut pikkorissut suleqatissaannik. Qinnuteqartuni suleqatissatut nassaarisagut sulilerpata immikkoortortami sulisut katillugit 22-inngussapput. Suleqatigiit tamarmiusut paarlakaallutik sulisarput, taamaattumillu ullut suliffissat skemat malilugit ingerlanneqarput. Suleqatigiit tamarmiullutik Stationimi pisortaq qullersaraat.
Amerlanerit ilisimariigaattut timmisartukkut angalasut aasaanerani, decembarimi aammalu immikkut ittunik pisoqartillugu amerlanerpaasarput, taamaattumillu piffissani taakkunani sullivinni ulapaangaatsiartarnissat naatsorsuutigissavat.
Atorfik pillugu:
Atorfik piffissaq tamakkerlugu atorfiuvoq, sulisut akornanni paarlakaaffiulluni, tassalu piffissat suliartorfissatit nikerassapput, taamatullu sapaatit akunnerisa naanerini nalliuttunilu sulisassaatit. Immikkoortortaqarfimmi tamarmi sulisut skemat malillugit sulisarput, taamaattumillu aamma piffissanik qasuersaarfissanik atuinissamut pisinnaatitaaffitit isumagineqassapput.
Piginnaaneqarfitit:
- Atortutsinnik ilisimasaqareernissat iluaqutaasaaq, tamannali piumasaqaataanngilaq, qinnuteqartup naleqquttup ilinniartinneqarnissaa periarfissaammat
- Sulisinnaassaatit aalajangiisinnaassuseqassallutillu – aamma ulapingaatsiarfiup nalaani
- Kiffartuussilluarsinnaavutit
- Kalaallisut, danskisut tuluttullu oqalussinnaassaatit
Suliassatit:
- Nassatanik tunniussisunik tigooraaneq
- Angallatsitsineq
- Paasissutissanik ingerlatitseqqiineq kiffartuussinerlu
- Allaffissorluni suliassat oqinnerusut
Atorfimmut qinnuteqarnissamut neqeroorfigineqarnissamullu trafikassistentitut ilinniarsimanissaq piumasaqaataanngilaq, iluaqutaalluassaarli. Atorfik soqutiginartikkukku piginnaaneqarfigigukkulu piukkussanut ilaasinnaavutit.
Neqeroorutigaavut:
HK Service Hovedstaden-imut isumaqatigiissut malillugu aammalu piginnaaneqarfiit misilittakkat naapertorlugit akissarsiaqartitsinissaq atorfininnermilu isumaqatigiissuteqarnissaq neqeroorutigaarput.
Atorfimmik inuttassarsiuinerup soqutiginnilersissimappatit, kisiannili paasissutissanik amerlanerulaartunik amigaateqaruit Stationimi pisortaq Lona Thorsen tlf. +299 343178-imut sianerfigisinnaavat.
Qinnuteqarnissamut killissarititaasoq: maajip 13.-at, 2025