Attaveqaatit isumannaallisaanerlu nuannarigukkit aammalu Windows serverinik suliaqarnermik misilittagaqarlutit, Air Greenland attaveqaqatigiinnermut immikkut ilisimasalimmik assigiinngitsorpassuarnik suliaqarsinnaasumik, teknikkikkullu piginnaasalimminik nuannarisaqartumillu Air Greenlandip IT-mik attaveqaataanik tapersersueqataasinnaasumik ineriartortitseqataasinnaasumillu, ujarsivoq.
Suliassat pillugit
Attaveqaqatigiinnermut immikkut ilisimasalitut IT-mik suliaqartunut, maannakkut Nuummi qullersaqarfimmi aqqanilinnik sulisulinnut, ilaalersinnaavutit. Attaveqaqatigiinnermut atortorissaarutitta ingerlanneqarneranni ineriartortinneqarnerannilu qitiusumik inissisimassaatit, ingerlatsineq, atuutilersitsineq isumannaallisaanerlu ukkatariniarlugit. Tamatuma saniatigut SAN-ip serverillu atortorissaarutaasa ingerlanneqarneranni atuutilersinneqarnerannilu peqataassaatit.
Suliassat pingaarnerit:
- Suliffeqarfiup attaveqaqatigiinnermut atortuinik ilusilersuineq, atuutitsilersitsineq ingerlatsinerlu.
- Isumannaallisaanermik iluarsiissutinik ineriartortitsineq, pitsanngorsaaneq nakkutilliinerlu
- San aammalu Server platformitsinnik ingerlatsineq inerisaanerlu
- Teknologimik ineriartortitsinermik utaqqiinarnani iliuuseqarnikkut peqataaneq
- Suleqatinik suleqatillu avataaniittunik tapersersuineq suleqateqarnerlu.
Illit kinaassutsit
Ujartorparput inuk tunniusimasoq kiffartussinermik soqutigisalik aammalu:
- IT-mik atortorissaarutinik ilusilersuinermik ingerlatsinermillu misilittagaqarluartoq.
- Windows Server VMwarelu misilittagalik.
- Internetimi isumannaallisaanermut atortunik ilisimasaqartoq.
- Avatangiisini allanngorartuni ingerlalluarsinnaassaatit namminerlu sulisinnaasuseqarlutit suleqatigiillu tamarmik iluatsilluarnissaannut tapersersuisinnaallutit.
- Sulisitsisutut atorfininnginnermi pinerlussimannginneq misissortarpaa, aamma isumannaallisaanermut tunngasunik misissuisarpoq.
Atugassarisitaasut
Suliffik pissanganartoq namminersorluni immikkoortortaqarfiillu allat suleqatigalugit suliassanik suliaqarnissamut periarfissaqarfiusoq. Suleqatigiinnermik suliatigullu ineriartornermik pingaartitsiffiusoq, sulinngiffeqarnermi eqaatsumik aaqqissuussisoqarsinnaavoq, aallartinnermilu pikkorissarnissanut assigiinngitsunut periarfissaqarpoq.
Inuttut piumasaqaataasunut naapertuuttumik atorfinitsitsineq,pisinnaasanut piumasaqaatit, ilinniagaqarneq misilittakkallu tunngaviusumik atugassaqartitsineq. Tamatumunnga ilaapput ilaquttat ukiumoortumik suliffiup akiligaanik angalasinnaaneq, soraarnerussutisiaqalernissamut aaqqissuussineq kiisalu sillimmasiissutit pilerinartut, ilaatigut piffissaq tamaat ajunaarnermut sillimmasiineq, eqimattatut inuunermut sillimmasiineq napparsimmavimmilu uninnganermut sillimmasiineq.
Soqutigiviuk?
Atorfik pillugu apeqqutissaqaruit IT-Manager Karsten Munk attavigisinnaavat uunga: kmunk@airgreenland.gl.
Oqaloqatiginnittarnerit ingerlanneqassapput atorfinittussamik nassaartoqarnissaata tungaanut.