Ilulissani stationitsinnut piukkunnaateqarluartumik sullisserusussuseqartumillu angalatitsinermut sullissisussamik apriilip aallaqqaataani 2025 imaluunniit isumaqatigiissuteqarnikkut atorfinissinnaasunik pissarsiorpugut.
Piukkunnaateqarfigisassat:
- Immaqa angalatitsinermut tunngasunik ilinniarsimanissaq stationinilu IT-nik atorneqartunik ilisimasaqarnissaq
- Minnerpaamik ukioq ataaseq stationini sulinermik misilittagaqaruit iluassaaq allagartaqarlutillu DGA-mut aammalu Security Awareness-mut.
- Nammineerlutit sulisinnaassuseqassaatit aalajangiisinnaassuseqarlutillu, aamma ulapaarfiup nalaani
- Qanimut suleqatigiinnermut sammisaqartuussaatit sukkasuumillu sulisinnaallutit, sulianillu tigoraapallassinnaassaatit piareersimasuullutillu allannguinissamut.
- Sungiussiasuussaatit sulinissamullu piareersimallutit.
- Suleqatinnut avataanilu suleqatigisartakkanut suleqatiginninnissamut piginnaaneqarluassaatit
- Aalajaatsuussaatit sullissiumassuseqarlutit ulaperuluffinnilu sulilluarsinnaallutit
- Kalaallisut qallunaatut tuluttullu oqalussinnaassaatit
- Politiininngaanniit isumannaallisaanermut akueritissimassaatit ukiunillu tallimanik kingumut sulerisimanersutit uppernarsarsinnaassavat
Suliassat:
- Stationini sulineq angallannermillu isumaginninneq
- Angalanissanik inniminniissussinerit
- Ilaasunut paasissutissiisarnerit taakkunanngalu sullissinerit
- Allafissornikkut suliassat annikitsut
Neqeroorutigaavut:
Piukkunnaateqarfigisat misilittakkallu malillugit HK Service Hovedstaden-imi isumaqatigiissut naapertorlugu akissarsiaqartitsisoqassaaq.
Air Greenland avataaniik atorfinittussamut sulisunut inissiamik neqerooruteqarsinnaavoq, HK Service Hovedstaden-imi isumaqatigiissut naapertorlugu.
Annertunerusunik paasiniaasoqarsinnaavoq stationsleder Elisabeth Christensen-imut oqarasuaammut nr. 343282, imaluunniit taassuma taartaanut Else Marie Sandgreen-imut.
Qinnuteqaatit tiguneranit nalilersorneqartassapput, atorfiit inuttalernissaasa tungaannut. Tunngaviusumik misilitsinneq pisinnaassaaq.
Pinerlussimannginnermut uppernarsaat: Piumasaqaatigut naapertorlugit uagutsinnut oqaloqatiginninnissamut aggersarneqarninni minnerpaamik pinerlussimannginnermut uppernarsaatip atuuttup assilineranik nassataqassaatit.
Qinnuteqarnissamut killissarititaasoq: marsip 23.-at, 2025