Air Greenland-imi qulimiguulinni mekanikerinngorusuppit?
Timmisartuni mekanikeriuit peqqissaartoq? Qulimiguullit mekaniikerii allat pitsaassutsimik pingaartitsisut peqatigalugit suliffeqarfimmi immikkut ilisimasaqarfigisanni sulilernissannut piareersimavit?
Air Greenland-imi hangar-imi pitsaanerpaamik kiffartuussinikkut ilaasut toqqissisimallutik apuuffissannut apuuttarnissaannut qulakkeerinneqataagit.
Piumasaqaatit:
- Timmisartut mekanikeritut AML B1-3-mik ilinniagaqarsimassaatit, timmisartunullu H225-mut, AS350-imut imaluunniit H155-imut allagartartaarsimassaatit.
- Qulimiguulinnik aserfallatsaaliuinermi misilittagaqarluarputit.
- Tuluit oqaasii atorlugit oqalussinnaavutit qarasaasianillu atuillaqqillutit.
- Ukiut marluk ingerlaneranni qaammatini arfinilinni misilittagaqarsimanerit uppernarsarneqarsinnaappat pitsaassaaq.
Inuttut ima ittuuvutit:
- Piffissamik eqquilluarsinnaaneq
- Aalajaatsoq akisussaassuseqartorlu – nammineq suliniutit suleqatillu iluatsilluarnissaannut akisussaaffeqarputit.
- Naleqqussarsinnaaneq
- Pitsaasunik suliaqartuaannartuuneq — pitsaanerpaamik angusaqarniartuuvutit.
- Nammineerlutit sulisinnaavutit, aammali suleqateqarlutit sulisinnaallutit
Uagut neqeroorutigisavut:
- Suliffik pissanganartoq ineriartortuartoq, qulimiguuliutitsinnik timmisartuussinissamut piareersimajuarnissatsinnik qulakkeerinnittunut pingaaruteqartunngortoq.
- Suliffik unamminiarnartoq suleqatinillu pitsaasunik suleqateqarneq suliffeqarfiullu ineriartorneranut ajunngitsumik tapersersuinissamut periarfissaq.
- Naleqqussarsinnaasumik suliffeqarneq, ilaatigut Nuummut sinerissamullu timmisartuussinerit akiliutigineqartartut, aamma inissiamik attartornissamut periarfissaqarneq.
- Akissarsiat atorfinitsitsinerullu iluani periarfissat pitsaasut, soorlu ilaqutariit tamarmik ukiumoortumik sulinngiffeqarsinnaanerat sillimmasiinerillu pitsaasut, soorlu ajutoornermut, inuunermut napparsimmavimmullu sillimmasiineq.
Maintenance Manageritsinnut Rotor Wingimiittumut Qillaq Christensenimut oqarasuaat +299 343461-imut imaluunniit mailikkut qchristensen@airgreenland.gl-imut attaveqarit.
Qinnuteqarnermi pinerlussimannginnermut uppernarsaat ilanngullugu nassiunneqassaaq.