Air Greenland-ip Charter-imut immikkoortortaqarfia Sales Account Manager (SAM-imik) pingaartumik takornariaqarnermik tuniniaanermilu suliassaalersunik aallussisussamik, 1. Februaari 2025-mi imaluunniit isumaqatigiissuteqarnikkut atorfinissinnaasumik pissarsiorpoq.
Nuummi, Ilulissani Qaqortumilu mittarfiit nutaat ammarnissaannut atatillugu Air Greenlandimiit Charter-imiillu atuisutsinnut pioreersunut siunissaq, kiisalu niuernermi periarfissat nutaat isiginiarneqarput.
Charter-imi pingaarnertut niuerfiup angallavinnut aalajangersimasuunngitsunut tunngasortai suliarineqarput. Suliassatsitut pingaarnertut qulimiguuliutitsinnik tamatigoortumik, AS350/H125-mik tunisassianik tuniniaaneq ineriartortitsinerlu suliaraarput. Suliassat assigiinngitsorpassuupput, soorlu Kalaallit Nunaat tamakkerlugu suliassanut inuiaqatigiinnit pinngitsoorneqarsinnaanngitsunut (telesites-it aamma peqqinnissaqarfik), aatsitassanik ujarlernernut, ilisimatusarnernut, ilisimatuussutsikkut misissuinernut aammalu takornarianik timmisartuussinernut tunngasuullutik.
Tamatuma saniatigut Kalaallit Nunaat tamakkerlugu timmisartup suunera suliassallu suugaluarpataluunniit atuisut suliakkiissutaannik tuniniagaqarpugut. Charter-imi tuniniaanermut ilagitillugu tunisinerup atuisunut naammaginartumik naammassineqarnissaa pingaarnerpaatipparput.
Taamaattumik takornariaqarnermut SAM-itut aamma Charter-imi suliassaalersut eqqarsaatigalugit Kalaallit Nunaanni takornariaqarnermik ingerlatsinermut suleqataanermut nuannerisaqaruit atorfissaqartippatsigit. Tuniniaaneq atuisunullu attaveqarneq nuannarissavat, kiisalu tuniniaanermi suleqatigiinnut katillugit sisamaasunut, tuniniaanerup atuisumut naammaginartumik naammassineqarnissaanik anguniakkatut pingaarnertut aallussisuusunut suleqataarusussuseqassaatit.
Charter-imut immikkoortortaqarfimmi tuniniaasut sisamat saniatigut aqutsisut marluupput pisortarlu ataasiulluni. Katitigaanitsinni piffissami suliffiusumi suliassanillu sinaakkusiussatut ataatsimut isumaqatigiissutigineqartut iluanni eqaatsumik aaqqiisinnaanissamik aallussiffiusumi assigiinngisitaartitsisoqarnissaa kaammattuutigisarparput.
Pisinnaasat eqqortut atorlugit piffissap sivikitsup ingerlanerani pisortaaneq suliassallu eqqarsaatigalugit akisussaaffiit amerlinissaat periarfissaqartinneqarpoq.
Atorfimmi ilaatigut suliassaapput:
- Avataaniit siunnersortit IT-lu suleqatigalugit Microsoft Power Platform atorlugu Charter-imut aaqqiissutissanik nutaanik atuutsitsilernissamik qulakkeerinissaq.
- Allaffissornermi suleqatigiinni ingerlaavartumik, ilaatigut paasissutissanik ullormoortunik, fakturaliornermut atugassanik, kiisalu pitsaassutsimut nalunaarusianik, atuisunut atugassanik pilersuinissamik qulakkeerinissaq akisussaaffigissavarsi
- Qulimiguuliutitsinnut pilersaarutinik pilotiuneq suleqatigalugu iluarsiisarnerit
- Suliassanik niuernermut pingaarutilinnik suussusersiniartarnerit quppersagaqarnerlu
- Suliffeqarfimmi suleriaatsinut aamma KPI-nut naleqalersitsisartunut siunnersuusiornermut atatillugu immikkoortortaqarfimmi pisortamut suleqataanissaq
Ilinnut tunngasut:
- Ingerlaqqiffiusumik attuumassutilimmik ilinniagalik, soorlu niuernermik ilinniarfimmiit
- Tuniniaanermik misilittagaqarneq
- Atortunik ilisimasaqarluarneq, soorlu online-kkut tuniniaavinnik, inniminniisarfinnik assigisaannillu
- Microsoft Excel atorlugu sulisinnaaneq uppernarsarneqarsimasoq
- Suliniuteqarsinnaaneq uteriitsuunerlu, ataatsimoorsinnaaniassagatta
- Danskisut tuluttullu, aammalu ajornanngippat kalaallisut allassinnaasoq oqalussinnaasorlu
- Inuiaqatigiit kalaallit kulturiallu pillugit iisimasaqarluartoq paasisimaarinnittorlu
- Angalanermik silaannakkullu angallassinermik inuussutissarsiuteqarnermik ilisimasaqarneq iluaqutaassaaq
Neqeroorutigaavut:
Atorfik, ingerlatseqatigiiffimmi periusissiat pingaarnerit malillugit suli ineriartortoq, namminersornissamut akisussaaffeqarfiusoq, aammalu illit aamma Air Greenlandip pisariaqartitai malillugit suliatigut inuttullu ineriartornissamut periarfissaqarluartoq.
Piginnaasaqarfitit aamma inunnut ataasiakkaanut atugassarititaasut malillugit atorfimmi pisariaqartitsinerit naapertorlugit akissarsiaqartitsisoqassaaq. Taassuma saniatigut ukiumoortumik sulinngiffeqarnermi angalanermut akiliussisarneq, soraarnerussutisiat, kiisalu sillimmasiissutit ataatsimoortut pilerinartut, ilaatigut piffissaq tamakkerlugu ajutoorsinnaanermut, ataatsimut inuunermut kiisalu napparsimmavissuarmiinnermut sillimmasiissutit ilaqartinneqartut neqeroorutigineqarput.
Paasissutissanik amerlanerusunik perusukkut Charter-imut pisortaq, Mikkel Søndergård mks@airgreenland.gl aqqutigalugu imaluunniit +299 34 31 40-mut sianerlutit attaveqarfigisinnaavat.
Atorfimmut inissiamik neqerooruteqartoqarsinnaanngilaq.
Atorfimmut piukkunnaatillit ingerlaavartumik oqaloqatiginninnissamut qaaqquneqartassapput.
Qinnuteqarnissamut killissarititaasoq: decembarip 13.-at, 2024