Air Greenland-imi pisortaanerup allaffeqarfiani pisortaq
Pisortaanerup allaffeqarfiani pisortamik pissarsiorpugut, isumaqatigiinnikkut sulilersussamik.
Pisortaanerup allaffeqarfiani pisortatut suliassavit ilagivai allatseqarfimmi suliassat pisortaanermut tunngasut suliarinissai, iliuusissatut pilersaarutinut suliaqartoqartillugu peqataanerit, siulersuisunut sullissinerit, ataatsimiinnissanut piareersaanikkut, siulersuisut ataatsimiinnerini imaqarniliornikkut aammalu ataatsimeereertoqarsimatillugu malitsigisaanik suliaqarneq.
Pisortaanerup allaffeqarfiani pisortatut iliuusissatut pilersaarusiornermik suliaqarsinnaassaatit, nalilersuiitigaluni sulisinnaassaatit, attaveqarsinnaassuseqarlutit atorfinnut qaffasissutsinut assigiinngitsunut, taakku ataanni suliffeqarfimmi siulersuisunut. Suliffimmi sukkasuumik pisoqarfiusumiissinnaassaatit, suliassat taarseraattut suliarisinnaassallugit, namminersorlutit sulisinnaassallutit, saqqummiussassat suliarisinnaassallugit, siunnersuusiorsinnaassallutit aammalu assigiinngitsuni saqqummiussiffissanut saqqummiussassaliorsinnaassallutit.
Atorfik:
Iliuusissatut pilersaarummi suliassat pisortaanermut tunngassut ataqatigiissaarinikkut malinnaaffigineri illit akisussaaffigissavatit. Tassani immikkut pineqarput suliffeqarfiup aqutsisuinut siulersuisunullu oqaaseqaatit nalilersueqqissaarnerillu, soorlu paasissutissanik aalajangiussassanillu siunnersuusiornerit.
Qitiusumik suliassat pingaarutillit allat makkuussapput:
- Iliuusissatut pilersaarummik suliaqarnermik aaqqissuussineq isumaginnittuunerlu, iliuusissatullu pilersaarummik suliaqarnerup ataqatigiissaarnera malinnaaffigineralu, iliuusissatullu pilersaarummi suliassatut aalajangiussat ataqatigiissaarlugillu malinnaatinneri
- Qitiusumik soqutigisaqaqatinut ingerlaavartumik ataqatigiissaaralunilu attaveqarneq, iliuusissatut pilersaarusiami akisussaaffeqartitsineq naapertorlugu
- Ataatsimiinnissanik pisussanillu pilersaarusiorneq, soorlu siulersuisut pisortallu ataatsimiinnissaat
- Suliffeqarfiup iluani suliassanik assigiinngitsunik aqutsineq aammalu nalilersueqqissaarnermik suliaqarneq
Ilinnut tunngasut:
- Atorfimmut attuumassutilimmik akademiskimik ilinniagaqarneq
- Iliuusissatut pilersaarutinik suliaqarnermik misilittagaqarneq, pisortanullu politikkikkullu atugassanik iliuusissatut aalajangiiffigisassatullu saqqummiussinernik suliaqarneq
- Atorfimmit assingusumit soorlu pisortaanernut PA/EA –mit misilittagaqarneq ingerlatsinerlu
- Assartuussinermit ajornanngippallu silaannakkut angallassinermit misilittagaqaruit iluaqutaasinnaassaaq
- Allattariarsornikkut oqaatsitigullu (kalaallisut, qallunaatut tuluttullu) attaveqaqatigiinnermik pikkoriffeqarneqNalilersueqqissaallaqqissoq aammalu suliassanik suliniutinillu pilersaarusiullaqqillunilu naammassinnittartoq
- Atortunik Microsoft Officemeersunik atuilluarsinnaasoq, IT-lerillaqqissoq teknologimullu nutaamut tappiffilik
- Niuernermut aammalu sullissanut sammisunik soqutigisalik
- Suliassanik aqutsinermut nukittuffilik
Ilinnorpiaq ilisarnaatit:
Inuuvutit aaqqissuulluakkamik suleriusilik, oqallorissoq annikitsualunnullu tappiffilik. Nammineersinnaasoq, akisussaassusilik eqqoqqissaartumillu suliaqarnissamik pingaartitsisoq. Inuk ilakkuminartuuvutit inerniliinissamik pingaartitsisoq suliffeqarfiullu iluani sulisunik allanik suleqatiginnissamut pikkoriffilik. Suliassanik assigiinngitsunik ataatsikkut ingerlataqarsinnaasoq. Eqaatsumik suleriusilik, suliffeqarfimmilu allattoqarfimmi, ulapaarfiusartumi, amerlasuunik aalajangersimasunik naammassinninnissamut piffissaliussaqarfiusartumi suliassallu sapaatit akunneri tamaasa allanngorarfianni, sulinissamut kajumissuseqarlutit.
Neqeroorutigaavut:
Atorfik suliffeqarfiup tamakkiisumik iliuusissatut pilersaarutaa naapertorlugu ineriartorfiujuartoq, akisussaaffilik aammalu illit Air Greenlandillu pisariaqartitai naapertorlugit suliat tungaatigut inuttullu ineriartornissamut periarfissaqarluartoq.
Atorfiup piumasaqaataanut illillu piginnaasaqarfinnut naapertuuttumik atorfinittussamuinnaq atuuttumik immikkut akissarsiaqartitsineq. Aamma ukiumut ataasiarluni sulinngiffeqarnermi angalaneq. soraarninngornissamut katersineq, sillimmasiissutit pitsaasut, ilaatigut ulloq unnuarlu sillimmat, ataatsimoorussamik sillimmaat aammalu napparsimaviliariataarnissamut sillimmat.
Annertunerusumik paasiniaassaguit una attavigisinnaavat, HR-direktør Mads B. Christensen e-mailikkut gohdh@airgreenland.gl, oqar. +299 34 34 34.