Air Greenlandimi terminalilerisutut ilinniarluni misiliisoq
Air Greenlandimi terminalilerisutut ilinniartumik pissarsiorpugut, 1. august 2026-imi sulilersussamik. Ilinniartitaaneq ukiunik 1½ sivisussuseqarpoq, tamatumalu kingorna terminalilerisutut ilinniagaq naammassineqassaaq.
Namminersorsinnaavit, akisussaaffinnik ilisimaarinnippit aamma isumannaallisaaneq pingaartippiuk? Taamaappat immaqa sullivimmi misiliisutut sulisorilersinnaavatsigit.
Suliassat:
Air Greenlandimi terminalilerisut suliassaat annertupput, ilaatigut allakkanik, nassiussanik nassatanillu tigooqqaaneq tunniussisarnerlu, timmisartunut usissanik palletinut issoraaneq nassiussanillu tikittunik immikkoortiterineq kiisalu toqqorsivimmiittuutinik aqutsineq suliassaallutik. Paasisimaarinnissinnaanerup suleqatikkuminartuunerullu piginnaaneqarfiginissaat atorfimmi pisariaqarluinnarpoq.
Ilinniartitaaneq:
Ilinniartitaaneq ukiunik 1½ sivisussuseqarpoq. Ilinniartitaanerup ingerlanerani Nuummi Saviminilerinermut Ilinniarfimmut ilinniariartortassaatit. Ilinniartitaaneq pillugu annerusumik uani paasisaqarsinnaavutit: KTI.gl
Ilinniartitaanermi ilinniarfimmiinneq kiisalu mittarfeqarfitsinni nassiussanulluunniit terminalitsinni sulilluni misiliisarneq paarlakaatsinneqarput.
Ilinnialernissamut qinnuteqaatit Majoriaq aqqutigalugu nassiutissavat, praktik-ernissamullu qinnuteqaat Air Greenland nittartagaatigut nassiutissallugu.
Assigiinngisitaarneq
Akuutitsiniarluni sulisussarsiornissamut qulakkeernissamut immitsinnut pisussaaffilerpugut, aammalu tamanut qanorluunniit tunuliaqutalinnut qinnuteqarnissamut kaammattuilluta. Takunnissinnaanerit, misilittakkatigut tunuliaquttat kulturillu assigiinngisitaarnissaat pingaartipparput, aammalu sulisut pikkorissut, inuunerminni assiginngitsunik misilittagallit Kalaallit Nunaata kivinnissaanut anguniagaqarnitsinni pingaaruteqarnerat upperaarput.
Qinnuteqaat piumasaqaatit eqqortinnerinut pappiaqqanik imalik kiisalu CV ukiut kingulliit tallimat ilanngullugit nassiunneqassaaq.
Paasissutissat annertunerusut Ramp handling manager Gaba Lennert-Kleemannimut e-mail-ikkut: gkl@airgreenland.gl saaffigalugu pissarsiarineqarsinnaapput.
Qinnuteqarnissamut killissarititaasoq: juunip 15.-at, 2026